Sex nýliðar í landsliðshópnum

Landsliðsþjálfararnir Lars Lagerbäck og Heimir Hallgrímsson tilkynnti í dag hópinn sem fer til Bandaríkjanna og spilar tvo æfingaleiki gegn Kanada.

Sex nýliðar eru í hópnum og svo eru sjö leikmenn í hópnum sem hafa aðeins spilað einn landsleik. Nýliðarnir eru Haukur Heiðar Hauksson, Hörður Árnason, Kristinn Steindórsson, Ólafur Karl Finsen, Elías Már Ómarsson og Hólmbert Aron Friðjónsson.

Þeir sem hafa aðeins spilað einn leik eru Ingvar Jónsson, Sverrir Ingi Ingason, Björn Daníel Sverrisson, Guðlaugur Victor Pálsson, Guðmundur Þórarinsson, Rúnar Már Sigurjónsson og Þórarinn Ingi Valdimarsson.

Ragnar Sigurðsson, Viðar Örn Kjartansson, Helgi Valur Daníelsson, Birkir Már Sævarsson, Hólmar Örn Eyjólfsson, Arnór Ingvi Traustason, Ari Freyr Skúlason og Aron Elís Þrándarson gátu ekki gefið kost á sér.

Leikið verður á velli University of Central Florida, UCF Soccer and Track Complex, sem staðsettur er í Orlando í Florída.

Kanada er sem stendur í 112. sæti á styrkleikalista FIFA en liðið gerði markalaust jafntefli gegn Panama í síðasta leik sínum, í vináttulandsleik sem fram fór 18. nóvember síðastliðinn.  

Þjálfari kanadíska landsliðsins er Spánverjinn Benito Floro sem hefur þjálfað mörg félagslið á Spáni og var m.a. þjálfari Real Madrid á árunum 1992 – 1994.

Hópurinn:

Markmenn:

Hannes Þór Halldórsson, Sandnes Ulf

Ögmundur Kristinsson, Randers FC

Ingvar Jónsson, Start IK

                        

Varnarmenn:                

Sölvi Geir Ottesen Jónsson, FC Ural

Theodór Elmar Bjarnason, Randers FC

Hallgrímur Jónasson, OB

Hjörtur Logi Valgarðsson, Sogndal

Jón Guðni Fjóluson, Sundsvall

Sverrir Ingi Ingason, Viking FK

Haukur Heiðar Hauksson, AIK

Hörður Árnason, Stjarnan

Miðjumenn:                

Rúrik Gíslason, FC København

Björn Daníel Sverrisson, Viking FK

Guðlaugur Victor Pálsson, Helsingborg IF

Guðmundur Þórarinsson, Sarpsborg 08

Rúnar Már Sigurjónsso, Sundsvall

Þórarinn Ingi Valdimarsson, FH

Kristinn Steindórsson, Columbus Crew

Ólafur Karl Finsen, Stjarnan

Sóknarmenn:                

Matthías Vilhjálmsson, Start

Jón Daði Böðvarsson, Viking FK

Elías Már Ómarsson, Keflavík

Hólmbert Aron Friðjónsson, Brøndby IF

Fundurinn var í beinni textalýsingu á Twitter og má sjá þá lýsingu hér að neðan.

Tweets by @VisirSport