Horfðu á fyrstu æfingu Rúnars hjá Lilleström

Nú stendur yfir fyrsta æfing Lilleström undir stjórn þjálfaranna Rúnars Kristinssonar og Sigurðar Ragnars Eyjólfssonar.

Æfingin er að sjálfsögðu í beinni sjónvarpsútsendingu hjá rb.no en þeir eru heldur betur með puttann á púlsinum hjá liði Lilleström.

Finnur Orri Margeirsson er nýgenginn í raðir félagsins og nú er fyrsti dagur fyrir leikmenn til þess að ganga í augun á nýjum þjálfurum liðsins.

Menn þurfa að vera á tánum því Lilleström á verk fyrir höndum á næsta tímabili enda byrjar liðið á botninum með mínus eitt stig.

Fylgjast má með æfingunni hér.