Tími fyrir trúðana að flytja úr kjallaranum

Arizona Cardinals er það lið í NFL-deildinni sem fæstir fylgja á Twitter og líklega hefur fylgjendum fækkað eftir helgina.

Liðið féll þá úr leik í úrslitakeppni deildarinnar með lítilli reisn en liðið gat nákvæmlega ekki neitt gegn Carolina Panthers.

Margir stuðningsmenn liðsins voru pirraðir yfir leiknum og urðuðu yfir sína menn á samfélagsmiðlinum.

Það fór í taugarnar á umsjónarmanni Twitter-síðu félagsins. Sá þakkaði fyrir jákvæð skrif en sagði neikvæðu trúðunum að það væri kominn tími á að flytja úr kjallaranum og njóta lífsins.

Arizona átti gott tímabil en meiðsli komu illa við liðið á örlagastundu.

We're back in AZ. Thx for the positive tweets. As for the clowns who spew vulgarities, it's time to move out of the basement and enjoy life.

— Arizona Cardinals (@AZCardinals) January 4, 2015