Ótrúlegur endasprettur Fram | Öruggt hjá Val

Fram og Grótta skildu jöfn, 22-22, í toppslag Olís-deildar kvenna í handbolta í Safamýrinni í dag.

Gróttukonur voru með unninn leik í höndunum en sex mínútur voru eftir var staðan 18-22, gestunum frá Seltjarnarnesi í vil. En Fram átti frábæran endasprett og tryggði sér annað stigið með því að skora fjögur síðustu mörk leiksins.

Hulda Dagsdóttir skoraði jöfnunarmarkið á lokamínútunni en hún gerði alls fjögur mörk í leiknum. Ragnheiður Júlíusdóttir var markahæst í liði Fram með níu mörk.

Leikurinn var jafn framan af en um miðjan fyrri hálfleik tóku Gróttukonur fram úr, skoruðu sjö mörk í röð og breyttu stöðunni úr 6-5 í 6-11.

Grótta leiddi með fjórum mörkum í hálfleik, 11-15, og var jafnan 2-4 mörkum yfir í seinni hálfleik, eða allt þar til á lokamínútunum.

Laufey Ásta Guðmundsdóttir var markahæst í liði Gróttu með níu mörk en liðið er enn með þriggja stiga forystu á Fram á toppi deildarinnar. Framkonur eiga þó leik inni.

Markaskorarar Fram:

Ragnheiður Júlíusdóttir 9. Hulda Dagsdóttir 4, Elísabet Gunnarsdóttir 3, Steinunn Björnsdóttir 3, Hekla Rún Ámundadóttir 1, Elva Þóra Arnardóttir 1, Guðrún Þóra Háldánsdóttir 1.

Markaskorarar Gróttu:

Laufey Ásta Guðmundsdóttir 9, Karólína Bæhrenz Lárudóttir 5, Anna Úrsúla Guðmundsdóttir 4, Guðný Hjaltadóttir 3, Anett Köbli 1.

Á sama tíma vann Valur 10 marka sigur, 28-18, á botnliði ÍR í Vodafone-höllinni. Staðan í hálfleik var 16-5, Val í vil en liðið er í 6. sæti deildarinnar með 18 stig.

Kristín Guðmundsdóttir var einu sinni sem oftar markahæst í liði Vals með átta mörk. Arna Grímsdóttir kom næst með fimm mörk.

Auður Margrét Pálsdóttir, Sandra Ýr Geirmundardóttir og Þorbjörg Anna Steinarsdóttir skoruðu þrjú mörk hver fyrir ÍR.

Markaskorar Vals:

Kristín Guðmunsdóttir 8, Arna Grímsdóttir 5, Ragnhildur Hjartardóttir 4, Aðalheiður Hreinsdóttir 3, Morgan Marie Þorkelsdóttir 3, Sigurlaug Rúnarsdóttir 2, Sólveig Lóa Höskuldsdóttir 2, Alexandra Diljá Birkisdóttir 1.

Markaskorarar ÍR:

Auður Margrét Pálsdóttir 3, Sandra Ýr Geirmundardóttir 3, Þorbjörg Anna Steinarsdóttir 3, Sif Maríudóttir 2, Jóhanna Björk Viktorsdóttir 2, Sigrún Ása Ásgrímsdóttir 2, Karen Tinna Demain 1, Anna Margrét Sigurðardóttir 1, Helena Jónsdóttir 1.