Pacquiao syngur eigið inngöngulag

Það er greinilega ekki til það verk sem er Manny Pacquiao ofviða. Hann er einn besti hnefaleikamaður heims, er atvinnumaður í körfubolta, stjórnmálamaður og nú söngvari.

Kappinn gerði sér lítið fyrir og skellti sér í stúdíó á dögunum til þess að syngja lag. Það er lagið sem verður spilað undir inngöngu hans í hringinn er hann berst við Floyd Mayweather í byrjun maí.

Lagið heitir „Ég mun berjast fyrir Filipseyjar" og að sjálfsögðu verður gert myndband við lagið.

Það er létt Eurovision-stemning yfir þessu lagi sem má heyra hér að ofan.