Íslendingalið í úrslitaleik sænsku bikarkeppninnar

Það verða Íslendingaliðin Örebro og IFK Gautaborg sem mætast í úrslitaleik sænsku bikarkeppninnar í fótbolta.

Eiður Aron Sigurbjörnsson var í byrjunarliði Örebro sem vann 2-0 sigur á Elfsborg á heimavelli í seinni undanúrslitaleiknum í dag. Hjörtur Logi Valgarðsson var ekki með vegna meiðsla.

Í fyrri undanúrslitaleiknum í gær vann Gautaborg 3-1 sigur á Häcken. Hjálmar Jónsson sat allan tímann á varamannabekk Gautaborgar en Gunnar Heiðar Þorvaldsson lék síðustu 34 mínútur leiksins fyrir Häcken.

Úrslitaleikurinn verður 17. maí næstkomandi.