Fótbolti

Þrenna Kjartans Henrys tryggði Horsens langþráðan sigur

Ingvi Þór Sæmundsson skrifar
Kjartan gekk til liðs við Horsens frá KR síðasta sumar.
Kjartan gekk til liðs við Horsens frá KR síðasta sumar. vísir/daníel
Kjartan Henry Finnbogason skoraði öll þrjú mörk Horsens í sigri á Bronshoj í 1. deildinni í Danmörku í dag. Þetta var fyrsti sigur Horsens í sjö leikjum.

Bronshoj komst yfir strax á 9. mínútu en Kjartan jafnaði metin á 20. mínútu. Hann skoraði svo tvö mörk með þriggja mínútna millibili í byrjun seinni hálfleiks og tryggði Horsens stigin þrjú.

Kjartan skoraði einnig í tapi gegn Roskilde á sunnudaginn og er því kominn með fjögur mörk í síðustu tveimur leikjum Horsens.

Með sigrinum í dag komst Horsens upp í 5. sæti deildarinnar.

Fótbolti á Norðurlöndum

Tengdar fréttir

Kjartan Henry skoraði í tapi gegn botnliðinu

Kjartan Henry Finnbogason skoraði eina mark AC Horsens í 2-1 gegn FC Roskilde í dönsku B-deildinni í fótbolta í dag. Tapið var slæmt fyrir Horsens í ljósi þess að Roskilde er á botninum.

Mest lesið


Fleiri fréttir

Sjá meira


×

Mest lesið