Chicharito hetja Real Madrid | Sjáðu markið

Real Madrid skreið inn í undanúrslit Meistaradeildarinnar í kvöld með 1-0 sigri á tíu leikmönnum Atletico Madrid. Aðeins eitt mark var skorað í einvígi liðanna.

Fyrri hálfleikur var frekar tíðindalítill. Atletico varðist vel og Real gekk afar illa að skapa sér einhver færi. Var því markalaust í leikhléi.

Leikuinn opnast aðeins í seinni hálfleik en færin voru þó teljandi á fingum annarrar handar. Real meira með boltann en Atletico hættulegt þá sjaldan að liðið sótti.

Fimmtán mínútum fyrir leikslok dró til tíðinda. Arda Turan, leikmaður Atletico, fékk þá umdeilt gult spjald. Hans annað í leiknum og þar af leiðandi var hann farinn af velli með rautt spjald. Hann reyndi að stöðva dómarann frá því að draga upp spjaldið en hafði ekki erindi sem erfiði.

Þegar allt stefndi í framlengingu þá náði Javier Hernandez, lánsmaður frá Man. Utd, að moka boltanum yfir línuna og skjóta Real Madrid í undanúrslit. Markið skoraði hann eftir flottan undirbúning frá Cristiano Ronaldo.

Sjá má sigurmark leiksins í spilaranum að ofan.