Íslands- og bikarmeistarar Gróttu þurfa að finna sér nýjan hægri hornamann í stað Karólínu Bæhrenz Lárudóttur sem er genginn í raðir sænska liðsins Boden Handboll. Þetta kemur fram á Facebook-síðu félagsins.
Boden leikur í næstefstu deild í Svíþjóð en liðið endaði í 8. sæti af 12 liðum á síðasta tímabili.
Karólína varð Íslands- og bikarmeistari með Gróttu í fyrra en hún sneri aftur á Seltjarnarnesið fyrir síðasta tímabil eftir nokkurra ára dvöl í Val. Hún hefur fimm sinnum orðið Íslandsmeistari á síðustu sex árum, fjórum sinnum með Val og einu sinni með Gróttu.
Karólína skoraði 105 mörk í 22 deildarleikjum í vetur og bætti 38 mörkum við í úrslitakeppninni. Hún missti þó af stórum hluta af úrslitaeinvíginu gegn Stjörnunni vegna meiðsla aftan í læri.
Karólína hefur leikið 20 A-landsleiki og skorað í þeim 13 mörk.
Grótta missir Karólínu í sænsku B-deildina
Tengdar fréttir
Eva Margrét og Sunna María framlengja við Gróttu
Þrír lykilleikmenn Gróttu hafa framlengt samninga sína við liðið.
Unnur komin heim í Gróttu
Landsliðskonan skrifaði undir tveggja ára samning við Íslandsmeistarana.
Fyrirliðinn áfram á Nesinu
Laufey Ásta Guðmundsdóttir hefur skrifað undir nýjan tveggja ára samning við handknattleiksdeild Gróttu.
