Langþráður sigur Hammarby

Birkir Már Sævarsson og félagar í sænska úrvalsdeildarliðinu unnu góðan 3-0 sigur á Falkenbergs í kvöld.

Þetta var fyrsti sigur Hammarby eftir níu leiki í röð án sigurs. Stigin þrjú skila Birki og félögum upp í 10. sæti deildarinnar en Falkenbergs er hins vegar í því 13.

Birkir lék allan leikinn í miðri vörn Hammarby en hann hefur leikið 14 af 15 deildarleikjum liðsins í sumar.

Það gekk ekki jafn vel hjá Guðlaugi Victori Pálssyni og félögum í Helsingborgs sem töpuðu 0-1 á heimavelli fyrir Djurgården.

Victor lék allan leikinn fyrir Helsingborgs sem er í 9. sæti deildarinnar.