Dramatískur sigur Sandes í fyrsta leik Ingvars

Ingvar Jónsson var í sigurliði Sandnes í sínum fyrsta leik með félagi sínu, en Sandnes vann 3-2 sigur á Bryne í norsku B-deildinni í knattspyrnu.

Ingvar gekk í raðir Sandnes á dögunum frá Start, en hann er þar að fylla skarð Hannes Þórs Halldórssonar sem gekk í raðir NEC Nijmegen.

Pontus Engblom kom Sandnes yfir á fimmtu mínútu og einn leikmaður Bryne, Henrik Breimyr, fékk að líta rauða spjaldið á 38. mínútu.

Kent Haavard Eriksen kom Sandnes í kjörstöðu þegar hann kom þeim í 2-0 á 39. mínútu, en Jon Helge Tveita minnkaði muninn fyrir Bryne á lokamínútu fyrri hálfleik.

Oddbjörn Skartun jafnaði svo metin á 67. mínútu, en Paul Esteban Torres skoraði sigurmarkið á síðustu mínútu leiksins og tryggði því Sandnes 3-2 sigur.

Sandnes er í öðru sætinu með 30 stig, fimm stigum á eftir toppliði Sogndal. Bryne er í sjöunda sætinu.