Keylor Navas setti nýtt Meistaradeildarmet í kvöld

Keylor Navas, markvörður Real Madrid, hélt hreinu í kvöld þegar lið hans Real Madrid vann 1-0 sigur á franska liðinu Paris Saint-Germain og tryggði sér um leið sæti í sextán liða úrslitum Meistaradeildarinnar.

Keylor Navas setti með því nýtt með en enginn markvörður hefur spilað svona margar mínútur án þess að fá á sig sitt fyrsta mark í Meistaradeildinni.

Navas bætti met Miguel Angel Moya sem hélt markinu hreinu í fyrstu 529 mínúturnar sem hann spilaði með Atletico Madrid í Meistaradeildinni.

Navas hefur ekki enn fengið á sig mark í Meistaradeildinni á þessu tímabili en markatala Real Madrid í riðlinum er 7-0.

Navas fékk heldur ekki á sig mark í þeim tveimur leikjum sem hann spilaði með Real Madrid í Meistaradeildinni á síðustu leiktíð en hann hélt þá hreinu á móti Basel og Ludogorets.

Keylor Navas hefur þar með haldið marki Real Madrid hreinu í 530 mínútur í Meistaradeildinni.

Keylor Navas varð einni í kvöld fyrsti markvörðurinn í sögu Real Madrid sem heldur hreinu í níu heimaleikjum í röð. Hann hefur ekki fengið á sig mark í 854 mínútur á Santiago Bernebau.



Flestar mínútur spilaðar án þess að fá á sig sitt fyrsta mark í Meistaradeildinni:

530 Keylor Navas, Real Madrid

529 Miguel Ángel Moyà, Atletico Madrid

362 Petr Cech, Sparta Prag

351 Danijel Subasic, AS Mónakó



Leikir Keylor Navas til þessa í Meistaradeildinni:

2014-15

26. nóember 2014 - hélt hreinu í 1-0 sigri á Basel

9. desember 2014 - hélt hreinu í 4-0 sigri á Ludogorets

2015-16

15. september 2015 - hélt hreinu í 4-0 sigri á Shakhtar Donetsk

30. september 2015 - hélt hreinu í 2-0 sigri á Malmö

21. október 2015 - hélt hreinu í 0-0 jafntefli við Paris Saint-Germain

2. nóvember 2015 - hélt hreinu í 1-0 sigri á Paris Saint-Germain