Elísabet: „Ekki eins klár í að fela skuldir með skatt“ Tómas Þór Þórðarson skrifar 12. nóvember 2015 12:00 Elísabet Gunnarsdóttir ætlar sér stóra hluti með Kristianstad. vísir/ragnar Elísabet Gunnarsdóttir, þjálfari kvennaliðs Kristianstad í sænsku úrvalsdeildinni í fótbolta, hafnaði í sjöunda sæti með sínar stúlkur á nýliðnu tímabili þar sem Sara Björk Gunnarsdóttir stóð uppi sem meistari með Rosengård. Elísabet segist ekki sátt við niðurstöðuna en er þó raunsæ á gengi liðsins sem hefur gengið í gegnum mikla fjárhagserfiðleika undanfarin ár. „Nei, langt frá því,“ segir hún í viðtali í Akraborginni aðspurð hvort hún sé sátt með lokastöðuna í deildinni. „Ég er of mikil keppnismanneskja til að horfa á sjö sem eitthvað töff.“ „Ég er samt alveg raunsæ á þetta allt saman. Vegna þeirra fjárhagsvandræða sem hafa hrjáð okkur undanfarin ár ákváðum við að draga úr fyrir þetta ár. Við misstum mjög sterka leikmenn en fengum Margréti Láru til baka sem var eini leikmaðurinn með einhverja reynslu.“ „Við reiknuðum ekki með að vinna deildina en við vonuðumst til að halda sama dampi og í fyrra þar sem við lentum í fimmta sæti og fengum á okkur lítið af mörkum. Við fengum allt of mikið af mörkum á okkur í ár,“ segir Elísabet.Elísabet fannst liðið fá á sig of mikið af mörkum.vísir/valliStaðan ekki eins slæm og hún lítur út fyrir að vera Það er lítið sem Elísabet getur gert í leikmannamálum þegar enginn peningur er til. Hún hefur í staðinn einbeitt sér að öðrum hlutum félagsins og tekið meiri þátt í uppbyggingu þess. „Hendur mínar hafa verið bundnar allt of mikið í rauninni. Ég hef valið að reyna horfa á þetta jákvæðum augum. Við erum að reyna að byggja upp vörumerki félagsins og byggja upp barna- og unglingastarf. Ég er því voða róleg yfir þessu,“ segir Elísabet. Kristianstad fékk keppnisleyfi fyrir næsta ár í þessari viku, en liðið hefur síðan Elísabet kom til þess alltaf þurft að skila inn sérstöku bókhaldi vegna fjárhagsörðugleikanna. Hún segir liðið í raun aldrei hafa verið í hættu um að fá keppnisleyfi. „Við höfðum til 31. ágúst til að skila inn öllum pappírum. Þetta snýst ekkert um að við skuldum neitt. Þetta er ekkert eins og á Íslandi þar sem þú getur skuldað leikmönnum laun í tvö ár. Hérna máttu ekki skulda rútufyrirtæki 80.000. Þá færðu ekki keppnisleyfi næsta ár,“ segir Elísabet. „Staðan er í rauninni ekki eins slæm og hún lítur út í íslenskum fjölmiðlum. Svíþjóð er land reglnanna. Við höfum dregið með okkur mínus síðan áður en ég kom til félagsins. Ég hef líka dottið inn í viðskiptaheim íþróttanna og lært hvernig maður rekur íþróttafélag.“ „Þetta er búið að vera mjög áhugaverður tími og ég tel mig vera orðinn sérfræðing í því hvernig unnið er úr svona málum. Þegar þjálfarinn og leikmennirnir taka þátt í þessu er auðveldara að komast á skrið,“ segir hún.Margrét Lára Viðarsdóttir yfirgaf Kristianstad og er komin til Vals.vísir/vilhelmSkelfileg ákvörðun hjá Margréti Láru Elísabet horfir til framtíðar með Kristianstad og vonast til að samskipti hennar við styrktaraðila og uppbygging félagsins eigi eftir að skila sér. „Það er eitt ár þar til við verðum svolítið rík,“ segir hún. Kristianstad þarf aftur að skila tímabilaskiptu bókhaldi á næsta ári fyrir 31. ágúst eins og í ár. Elísabet segir smæð liðsins hafa sitt að segja en hjá Kristianstad eru menn að læra að spila leikinn eins og stóru liði.Sjá einnig:Margrét Lára: Get stýrt álaginu betur á Íslandi „Vonandi verður það síðasta skipti sem félagið þarf skila þessu svona inn, en þetta höfum við þurft að gera síðan ég kom hingað,“ segir Elísabet. „Það eru ekkert mörg félög sem lenda í þessu á hverju ári. Þetta er líka smá pólitík. Við erum lítið félag með litla reynslu og erum ekki eins klár í að fela skattaskuldir og allskonar svona. Við erum aðeins búin að læra þær leiðir sem er mikilvægt.“ Elísabet var spurð út í Margréti Láru Viðarsdóttur sem yfirgaf Kristianstad á dögunum. Landsliðsfyrirliðinn er kominn heim í Val þar sem Elísabet þjálfaði hana áður. „Þetta er sérstök staða fyrir mig því ég er nánast búin að þjálfa hana síðan hún var fimmtán ára. Þetta er leikmaður sem hefur verið lykilleikmaður í mínu liði í mörg ár,“ segir hún. „Hún er loksins orðin góð eftir þessi meiðsli og mér fannst hún frábær í haust hjá okkur. Því fannst mér þetta skelfileg ákvörðun hjá henni. Ég styð hana í sinni ákvörðun en ég hefði 100 prósent viljað hafa hana áfram úti,“ segir Elísabet Gunnarsdóttir. Fótbolti á Norðurlöndum Mest lesið Donald Trump sást svindla á golfvellinum Golf Fékk meira að segja kveðju frá sínum helsta óvini Sport „Ef ég geri það ekki þá mun ég kannski sjá eftir því alla ævi“ Sport Musk og Schwarzenegger sendu Hafþóri Júlíusi hamingjuóskir Sport Grét þegar hann var kynntur hjá nýju félagi Fótbolti Viðurkennir að prumpið sem heyrðist um allan heim sé hans Golf Brella Englendinga sem gæti hafa tryggt þeim EM-gullið Fótbolti Sú besta í áfalli og baðst afsökunar Fótbolti Kóngafólkið eys lofi yfir enska liðið Fótbolti Með átta mörk og sex stoðsendingar í sama leiknum Íslenski boltinn Fleiri fréttir Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Með átta mörk og sex stoðsendingar í sama leiknum Segja Jóhannes kosta tæpar tíu milljónir króna Flýr Ten Hag og semur við Sunderland Grét þegar hann var kynntur hjá nýju félagi Sjáðu Pedersen jafna metið og Kennie kremja hjörtu Víkinga Sú besta í áfalli og baðst afsökunar Brella Englendinga sem gæti hafa tryggt þeim EM-gullið Spilaði og varð Evrópumeistari fótbrotin Kóngafólkið eys lofi yfir enska liðið Rashford mátaði treyjuna í leik sem átti ekki að fara fram „Þeir refsuðu okkur í dag“ Evrópumót kvenna aldrei betur sótt en nú „Þurftum að fá aðeins ferskt blóð inn í þetta“ „Það er að kosta okkur mikið að nýta ekki færin“ Rúnar Kristinsson: Glaðir með stigið Skrifaði undir nýjan samning eftir að hafa verið svo gott sem farinn „Ég klikka ekki á tveimur vítaspyrnum í röð“ Uppgjörið: Fram - Víkingur 2-2 | Kennie Chopart stal stigi fyrir Fram Uppgjörið: Valur - FH 3-1 | Pedersen jafnaði markametið og Valur á toppinn Luiz Diaz til Bayern Englendingar Evrópumeistarar eftir vítaspyrnukeppni Æfingaleikur United betur sóttur en úrslitaleikur HM Sjáðu mörkin úr Sumardeildinni í gær Arsenal hafði betur í Singapúr Uppgjörið: Vestri - ÍBV 2-0 | Fyrsti sigur Vestra síðan 15. júní PSG semja við væntanlegan eftirmann Donnarumma Joao Felix til liðs við Ronaldo hjá Al Nassr Sjá meira
Elísabet Gunnarsdóttir, þjálfari kvennaliðs Kristianstad í sænsku úrvalsdeildinni í fótbolta, hafnaði í sjöunda sæti með sínar stúlkur á nýliðnu tímabili þar sem Sara Björk Gunnarsdóttir stóð uppi sem meistari með Rosengård. Elísabet segist ekki sátt við niðurstöðuna en er þó raunsæ á gengi liðsins sem hefur gengið í gegnum mikla fjárhagserfiðleika undanfarin ár. „Nei, langt frá því,“ segir hún í viðtali í Akraborginni aðspurð hvort hún sé sátt með lokastöðuna í deildinni. „Ég er of mikil keppnismanneskja til að horfa á sjö sem eitthvað töff.“ „Ég er samt alveg raunsæ á þetta allt saman. Vegna þeirra fjárhagsvandræða sem hafa hrjáð okkur undanfarin ár ákváðum við að draga úr fyrir þetta ár. Við misstum mjög sterka leikmenn en fengum Margréti Láru til baka sem var eini leikmaðurinn með einhverja reynslu.“ „Við reiknuðum ekki með að vinna deildina en við vonuðumst til að halda sama dampi og í fyrra þar sem við lentum í fimmta sæti og fengum á okkur lítið af mörkum. Við fengum allt of mikið af mörkum á okkur í ár,“ segir Elísabet.Elísabet fannst liðið fá á sig of mikið af mörkum.vísir/valliStaðan ekki eins slæm og hún lítur út fyrir að vera Það er lítið sem Elísabet getur gert í leikmannamálum þegar enginn peningur er til. Hún hefur í staðinn einbeitt sér að öðrum hlutum félagsins og tekið meiri þátt í uppbyggingu þess. „Hendur mínar hafa verið bundnar allt of mikið í rauninni. Ég hef valið að reyna horfa á þetta jákvæðum augum. Við erum að reyna að byggja upp vörumerki félagsins og byggja upp barna- og unglingastarf. Ég er því voða róleg yfir þessu,“ segir Elísabet. Kristianstad fékk keppnisleyfi fyrir næsta ár í þessari viku, en liðið hefur síðan Elísabet kom til þess alltaf þurft að skila inn sérstöku bókhaldi vegna fjárhagsörðugleikanna. Hún segir liðið í raun aldrei hafa verið í hættu um að fá keppnisleyfi. „Við höfðum til 31. ágúst til að skila inn öllum pappírum. Þetta snýst ekkert um að við skuldum neitt. Þetta er ekkert eins og á Íslandi þar sem þú getur skuldað leikmönnum laun í tvö ár. Hérna máttu ekki skulda rútufyrirtæki 80.000. Þá færðu ekki keppnisleyfi næsta ár,“ segir Elísabet. „Staðan er í rauninni ekki eins slæm og hún lítur út í íslenskum fjölmiðlum. Svíþjóð er land reglnanna. Við höfum dregið með okkur mínus síðan áður en ég kom til félagsins. Ég hef líka dottið inn í viðskiptaheim íþróttanna og lært hvernig maður rekur íþróttafélag.“ „Þetta er búið að vera mjög áhugaverður tími og ég tel mig vera orðinn sérfræðing í því hvernig unnið er úr svona málum. Þegar þjálfarinn og leikmennirnir taka þátt í þessu er auðveldara að komast á skrið,“ segir hún.Margrét Lára Viðarsdóttir yfirgaf Kristianstad og er komin til Vals.vísir/vilhelmSkelfileg ákvörðun hjá Margréti Láru Elísabet horfir til framtíðar með Kristianstad og vonast til að samskipti hennar við styrktaraðila og uppbygging félagsins eigi eftir að skila sér. „Það er eitt ár þar til við verðum svolítið rík,“ segir hún. Kristianstad þarf aftur að skila tímabilaskiptu bókhaldi á næsta ári fyrir 31. ágúst eins og í ár. Elísabet segir smæð liðsins hafa sitt að segja en hjá Kristianstad eru menn að læra að spila leikinn eins og stóru liði.Sjá einnig:Margrét Lára: Get stýrt álaginu betur á Íslandi „Vonandi verður það síðasta skipti sem félagið þarf skila þessu svona inn, en þetta höfum við þurft að gera síðan ég kom hingað,“ segir Elísabet. „Það eru ekkert mörg félög sem lenda í þessu á hverju ári. Þetta er líka smá pólitík. Við erum lítið félag með litla reynslu og erum ekki eins klár í að fela skattaskuldir og allskonar svona. Við erum aðeins búin að læra þær leiðir sem er mikilvægt.“ Elísabet var spurð út í Margréti Láru Viðarsdóttur sem yfirgaf Kristianstad á dögunum. Landsliðsfyrirliðinn er kominn heim í Val þar sem Elísabet þjálfaði hana áður. „Þetta er sérstök staða fyrir mig því ég er nánast búin að þjálfa hana síðan hún var fimmtán ára. Þetta er leikmaður sem hefur verið lykilleikmaður í mínu liði í mörg ár,“ segir hún. „Hún er loksins orðin góð eftir þessi meiðsli og mér fannst hún frábær í haust hjá okkur. Því fannst mér þetta skelfileg ákvörðun hjá henni. Ég styð hana í sinni ákvörðun en ég hefði 100 prósent viljað hafa hana áfram úti,“ segir Elísabet Gunnarsdóttir.
Fótbolti á Norðurlöndum Mest lesið Donald Trump sást svindla á golfvellinum Golf Fékk meira að segja kveðju frá sínum helsta óvini Sport „Ef ég geri það ekki þá mun ég kannski sjá eftir því alla ævi“ Sport Musk og Schwarzenegger sendu Hafþóri Júlíusi hamingjuóskir Sport Grét þegar hann var kynntur hjá nýju félagi Fótbolti Viðurkennir að prumpið sem heyrðist um allan heim sé hans Golf Brella Englendinga sem gæti hafa tryggt þeim EM-gullið Fótbolti Sú besta í áfalli og baðst afsökunar Fótbolti Kóngafólkið eys lofi yfir enska liðið Fótbolti Með átta mörk og sex stoðsendingar í sama leiknum Íslenski boltinn Fleiri fréttir Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Með átta mörk og sex stoðsendingar í sama leiknum Segja Jóhannes kosta tæpar tíu milljónir króna Flýr Ten Hag og semur við Sunderland Grét þegar hann var kynntur hjá nýju félagi Sjáðu Pedersen jafna metið og Kennie kremja hjörtu Víkinga Sú besta í áfalli og baðst afsökunar Brella Englendinga sem gæti hafa tryggt þeim EM-gullið Spilaði og varð Evrópumeistari fótbrotin Kóngafólkið eys lofi yfir enska liðið Rashford mátaði treyjuna í leik sem átti ekki að fara fram „Þeir refsuðu okkur í dag“ Evrópumót kvenna aldrei betur sótt en nú „Þurftum að fá aðeins ferskt blóð inn í þetta“ „Það er að kosta okkur mikið að nýta ekki færin“ Rúnar Kristinsson: Glaðir með stigið Skrifaði undir nýjan samning eftir að hafa verið svo gott sem farinn „Ég klikka ekki á tveimur vítaspyrnum í röð“ Uppgjörið: Fram - Víkingur 2-2 | Kennie Chopart stal stigi fyrir Fram Uppgjörið: Valur - FH 3-1 | Pedersen jafnaði markametið og Valur á toppinn Luiz Diaz til Bayern Englendingar Evrópumeistarar eftir vítaspyrnukeppni Æfingaleikur United betur sóttur en úrslitaleikur HM Sjáðu mörkin úr Sumardeildinni í gær Arsenal hafði betur í Singapúr Uppgjörið: Vestri - ÍBV 2-0 | Fyrsti sigur Vestra síðan 15. júní PSG semja við væntanlegan eftirmann Donnarumma Joao Felix til liðs við Ronaldo hjá Al Nassr Sjá meira