Vill ekki setja Rússa í bann

„Persónulega myndi ég ekki vilja setja Rússana í bann,“ segir Jónas Egilsson, en eins og fram kemur hér vill Alþjóðalyfjaeftirlitið að Rússum verði meinuð þátttaka í Ólympíuleikunum í Ríó.

„Við værum að refsa framtíðinni fyrir það sem fortíðin gerði,“ segir hann. „Það sem þarf að gerast er að Rússar verði samvinnuþýðir og lagi kerfið hjá sér. Almenningur verður að trúa því að kerfið í Rússlandi virki eins og ég held að flestir trúi að kerfið hjá okkur, Norðurlöndunum og almennt á Vesturlöndum virki. Rússar þurfa nýja þjálfara og nýja forystu.“

Hann telur að bann muni ekki gera neitt nema ala á frekari ofsóknarkennd Rússa í garð Vesturlanda. „Það að setja bann á Rússana forherðir þá bara í þessari ofsóknarkennd sem auðvelt er að ala á, að Vesturlandabúar vilji Rússum allt illt.“

Sjá ítarlegra viðtal við Jónas um lyfjahneykslið í frjálsíþróttaheiminum hér fyrir neðan.