Nokkrir koma til greina sem ungur Han Solo

Fyrirtækin Disney og Lucasfilm vinna nú hörðum höndum við að finna leikara til að leika smyglarann Han Solo á hans yngri árum. Fyrirtækin eru sögð vera með lista yfir um tólf leikara sem koma til greina. Tökur á myndinni hefjast í janúar á næsta ári og á hún að koma út í maí 2018.

Samkvæmt heimildum Variety eru þeir Miles Teller, Ansel Elgort, Dave Franco, Jack Reynor, Scott Eastwood, Logan Lerman, Emory Cohen og Blake Jenner á listanum.

Tökur á Star Wars myndinni Rogue One eru enn yfirstandandi og þykir líklegt að sá sem verður ráðinn sem Han Solo muni bregða fyrir í þeirri mynd sem sýnd verður um næstu jól. Tökurnar klárast þá eftir mánuð.

Á næstu vikum munu forsvarsmenn Han Solo myndarinnar hitta leikarana og kann hvernig þeir passa inn í hlutverkið.