Töpuðu á síðasta fjórðungi 2015

HSBC, stærsti banki Evrópu, tapaði 858 miljónum dala, um 110 milljörðum króna, á síðasta fjórðungi 2015. Tekjur bankans hafa dregist saman og þá sérstaklega tekjur frá lánum. Bankinn stóðst ekki væntingar markaða og hefur verið kallað eftir frekari sparnaðaraðgerðum.

Forsvarsmenn bankans tilkynntu í júní í fyrra að til stæði að segja upp 25 þúsund af starfsmönnum fyrirtækisins, eða um tíu prósent. Stuart Gulliver, yfirmaður bankans, segir að þeim aðgerðum verði haldið áfram.

Sérfræðingar sem Bloomberg ræddi við segja helstu ástæðu taps HSBC vera hægagang markaða í Asíu og lækkun á olíu og gasi.

Yfir allt árið í fyrra var hagnaður bankans fyrir skata tæpir 19 milljarðar dala, sem var hækkun um eitt prósent. 83,5 prósent þess hagnaðar kom frá Asíu. Þá er fjármálaeftirlit Bandaríkjanna að rannsaka HSBC, vegna ráðninga þeirra í Asíu. Það er vegna ráðninga fólks sem er skylt embættismönnum eða fyrrverandi starfsmenn opinberra fyrirtækja í Asíu.