Sjáðu tvö stórkostleg mörk Arons á móti Brann | Myndband

Aron Sigurðarson, leikmaður Tromsö í Noregi, er heldur betur að minna á sig í undirbúningi fyrir norsku úrvalsdeildina.

Aron, sem var seldur til Tromsö frá Fjölni í síðasta mánuði, fór á kostum í fyrsta æfingaleiknum með liðinu á móti Hammarby og gerði enn betur í gær.

Hann skoraði tvö mögnuð mörk í æfingaleik á móti Brann; það fyrra úr aukaspyrnu af 30 metra færi og það síðara með hnitmiðuðu skoti í fjærhornið eins og honum einum er lagið.

Aron spilaði sinn fyrsta landsleik á dögunum gegn Bandaríkjunum og skoraði í honum ekki ósvipað mark og það síðara fyrir Tromsö í gær.

Aron og félagar mæta Eiði Smára og hans mönnum í Molde í fyrsta leik nýs tímabils í norsku úrvalsdeildinni föstudaginn 18. mars.

Mörkin hans Arons má sjá hér að neðan.