Stelpurnar sem mæta Skotum og Makedóníu

Freyr Alexandersson, landsliðsþjálfari kvenna í fótbolta, tilkynnti í dag hópinn sem mætir Skotlandi og Makedóníu í næstu leikjum liðsins í undankeppni EM 2017. Hópurinn er óbreyttur frá síðasta verkefni liðsins.

Stelpurnar okkar eru í góðum málum eftir fjóra leiki en liðið er með tólf stig eða fullt hús og búið að skora 17 mörk en ekki fengið á sig eitt einasta.

Fyrir höndum er fyrri stórleikur riðilsins gegn Skotlandi sem fram fer ytra 3. júní en Skotar eru á toppnum með 15 stig, einnig með fullt hús, og hafa skorað 27 mörk og fengið á sig tvö.

Íslenska liðið mætir svo Makedóníu á Laugardalsvellinum 7. júní en það verður fyrsti heimaleikur stelpnanna okkar síðan liðið lagði Hvíta-Rússlanda, 2-0, 22. september í fyrra.

Eftir leikinn gegn Skotlandi á Ísland eftir þrjá heimaleiki gegn Makedóníu, Slóveníu og Skotlandi sem gæti verið úrslitaleikur um efsta sætið í riðlinum og öruggan farseðil á Evrópumótið í Hollandi.

Efsta liðið í hverjum riðli kemst beint á EM 2017 auk sex liða sem ná bestum árangri í öðru sæti. Liðin sem ná sjöunda og áttunda besta árangrinum í öðru sæti mætast í umspili um síðasta lausa sætið á EM.

Hópurinn sem mætir Skotlandi og Makedóníu:

Markverðir:

Guðbjörg Gunnarsdóttir, Djurgården

Sandra Sigurðardóttir, Val

Sonný Lára Þráinsdóttir, Breiðabliki

Varnarmenn:

Anna Björk Kristjánsdóttir, Örebro

Glódís Perla Viggósdóttir, Eskilstuna

Hallbera G. Gísladóttir, Breiðabliki

Elísa Viðarsdóttir, Val

Sif Atladóttir, Kristianstad

Málfríður Erna Sigurðardóttir, Breiðabliki

Miðjumenn:

Fanndís Friðriksdóttir, Breiðabliki

Sara Björk Gunnarsdóttir, FC Rosengård

Andrea Rán Hauksdóttir Snæfeld, Breiðabliki

Sandra María Jessen, Þór/KA

Dagný Brynjarsdóttir, Portland Thorns

Gunnhildur Yrsa Jónsdóttir, Stabæk

Elín Metta Jensen, Val

Sóknarmenn:

Margrét Lára Viðarsdóttir, Val

Hólmfríður Magnúsdóttir, Avaldsnes

Berglind Björg Þorvaldsdóttir, Fylki

Harpa Þorsteinsdóttir, Stjörnunni