Austurríska landsliðið: Skrekkur á stóra sviðinu Tómas Þór Þórðarson skrifar 22. júní 2016 07:00 David Alaba á æfingu með austurríska landsliðinu í París í gær. Vísir/EPA Austurríki, næsti mótherji Íslands í riðlakeppni EM 2016, er lið sem ýmsir sparkspekingar spáðu mjög góðu gengi á mótinu. Gælt var við að liðið gæti komið allra mest á óvart og jafnvel unnið sér sæti í undanúrslitunum. En það hefur ekki verið líklegt til þess. Austurríki var eitt allra besta liðið í undankeppninni. Það var í nokkuð erfiðum riðli með Svíþjóð, Svartfjallalandi og Rússlandi en gjörsamlega straujaði riðilinn með níu sigra, eitt jafntefli og ekkert tap. Austurríki skoraði 22 mörk og fékk aðeins á sig fimm. Það spilaði leiftrandi fótbolta nánast upp á leik og gerði til dæmis lítið úr Svíum á Vinavöllum í Stokkhólmi, 4-1, þar sem liðin virtust ekki vera að iðka sömu íþróttina. Austurríkismenn hafa verið að byggja upp fótboltann í heimalandinu og eru með gott lið. Það er nokkuð jafnt, duglegt, með mikla hlaupagetu, vel þjálfað en svo með algjöra ása uppi í erminni eins og David Alaba, Marko Arnautovic og Mark Janko, samherja Birkis Bjarnasonar hjá Basel. Í Frakklandi hefur liðið aftur á móti ekki litið vel út. Það var búið að skora í 22 fótboltaleikjum í röð áður en það kom á EM þar sem það er enn í leit að fyrsta markinu. Eftir glæsilega undankeppni virðist svo sannarlega vera skrekkur í Austurríkismönnum á stóra sviðinu. Stórmótasaga Austurríkis undanfarna áratugi er ekki glæsileg. Þetta er lið sem náði þriðja sæti á HM í Sviss 1954 og komst fjórum sinnum á HM frá 1978-1998. Síðan þá hefur Austurríki aðeins komist á eitt stórmót en það var EM 2008 þar sem það var sem gestgjafi og gerði ekki góða hluti. Austurríki á sinn góða leik inni líkt og Ísland en það er bara vonandi að hann láti áfram bíða eftir sér.David Alaba er frábær leikmaður.Vísir/EPAUnga ofurstjarnan týnd David Alaba, 23 ára gamall leikmaður Bayern München, er ekki bara besti leikmaður Austurríkis heldur sá langbesti. Þrátt fyrir að vera ekki eldri hefur hann verið kjörinn knattspyrnumaður Austurríkis fimm ár í röð. Hann er og verður aðalmaðurinn í þessu liði um ókomin ár. Alaba er frábær leikmaður sem er hægt og hljótt að verða einn allra besti spilari álfunnar. Það fer ekki jafn mikið fyrir honum og öðrum þar sem hann spilar 3-4 stöður hjá Bayern og gerir sína hluti án þess að vera með einhver læti. Hann er frábær sendingamaður og einnig geggjaður skotmaður þó hann sé reyndar mikið í því að smella boltanum í tréverkið. Sendingarnar hafa reyndar reynst honum erfiðar á mótinu sem er í takt við hvað austurríska liðið er að spila illa. Alaba hefur aðeins klárað 52 af 73 sendingum á mótinu eða 71 prósent. Það var búist við miklu af Alaba á EM en hann átti að keyra Austurríki langt á þessu móti. Þessi unga ofurstjarna virðist alveg týnd og er bara vonandi að hún finnist ekki fyrr en eftir leik Íslands og Austurríkis á Stade de France.Marcel Koller er þjálfari austurríska landsliðsins.Vísir/EPARainer Bortenschlager, blaðamaður á Kronen ZeitungByrjunarliðið hjá Austurríki er ráðgáta Rétt eins og íslensku þjálfararnir hafa gert hefur Marcel Koller stólað á nokkurn veginn sama byrjunarliðið og náð góðum árangri með það. En nú er hann í miklum vandræðum með að tefla fram sínu sterkasta liði á EM. Meiðsli hafa haft mikil áhrif og þær breytingar sem hann hefur þurft að gera hafa gengið illa upp. David Alaba spilar sem vinstri bakvörður hjá Bayern München og er vanalega djúpur á miðjunni hjá Austurríki. En eftir meiðsli Zlatko Junuzović hefur Alaba verið notaður sem tía og hann var slakur í því hlutverki gegn Portúgal. Við eigum heldur engan almennilegan framherja því að Marc Janko er meiddur. Það er með öllu óvíst hvort hann geti spilað leikinn í dag. Við teljum það þó líklegt enda er ljóst að gegn liði eins og Íslandi þurfum við öflugan mann í teignum. Íslenska vörnin hefur verið afar öflug á mótinu og Austurríki þarf að skora mark í þessum leik til að eiga möguleika á að komast áfram í 16-liða úrslitin. Þar fyrir utan er það mikil ráðgáta hvaða leikkerfi Marcel Koller ætlar að nota. Hvort hann ætli að setja meiri kraft í sóknarleikinn en áður, af fyrrnefndri ástæðu. Allt þetta leiðir til þess að byrjunarliðið er mikil ráðgáta og munu leikmenn ekki fá að vita það sjálfir fyrr en rétt fyrir leik. Margir Austurríkismenn óttuðust að þetta væri allt saman búið eftir tapið fyrir Ungverjalandi. En við vorum stálheppnir að ná jafntefli við Portúgal og eigum því enn möguleika í kvöld. Enda mun lið Austurríkis leggja allt í sölurnar í kvöld.Vísir/EPASögumoli Ísland og Austurríki hafa ekki mæst í leik í keppni í tæp 27 ár eða síðan að þau mættust tvisvar með tveggja mánaða millibili haustið 1989. Fyrri leikurinn endaði með markalausu jafntefli í Laugardalnum þar sem Ísland átti að vinna en Austurríki vann seinni leikinn 2-1 og komst að lokum á HM 1990.Liðsfélagar keppast um að gera gott tímabil enn þá betra Liðsfélagarnir Birkir Bjarnason og Marc Janko mætast í dag með landsliðum sínum á Evrópumótinu í Frakklandi í gríðarlega mikilvægum leik á Stade de France en þeir gerðu góða hluti saman á nýloknu tímabili. Svissneska félagið fékk Birki frá Pescara á Ítalíu og Janko frá Sydney FC í Ástralíu og þeir áttu báðir mjög gott fyrsta tímabil með liðinu. Basel varð svissneskur meistari, Janko skoraði 16 mörk í deildinni og Birkir var með 10 mörk og 5 stoðsendingar. Þeir voru tveir af þremur markahæstu leikmönnum sem voru á sínu fyrsta tímabili í Sviss. Janko var í byrjunarliðinu í fyrsta leik en kom ekkert við í sögu í þeim síðasta vegna meiðsla. Birkir hefur aftur á móti spilað allar 180 mínútur íslenska liðsins og skoraði fyrsta mark Íslands á mótinu. EM 2016 í Frakklandi Fótbolti Íslenski boltinn Mest lesið Uppgjörið: Svíþjóð - Ísland 26-24 | Svekkjandi tap í síðasta leik fyrir HM Handbolti Frábært mark Trents, fyrsta mark Chiesa og nýtt Liverpool met hjá sextán ára strák Enski boltinn Missti öll tíu Ólympíuverðlaun sín í eldunum Sport Þórir hefur ekki áhuga Handbolti Freyr sagði já við Brann Fótbolti Frækinn sigur Plymouth en þægilegt hjá Chelsea Enski boltinn „Ætla að halda áfram að pumpa væntingarnar“ Handbolti Upprúllun hjá City gegn litla nágrannaliðinu Enski boltinn Áreittar af hópi manna eftir leikinn í Jeddah Fótbolti Stórsigur hjá KR-ingum Íslenski boltinn Fleiri fréttir Milan áfram í miðjumoði eftir jafntefli Slot hrósaði Accrington og ungstirninu Pep staðfestir að Walker vilji fara í janúar Tæpt hjá Leeds gegn Harrogate úr D-deildinni Upprúllun hjá City gegn litla nágrannaliðinu Kane tryggði Bayern fjögurra stiga forystu Tólfta jafntefli Juventus sem hefur ekki enn tapað deildarleik Frækinn sigur Plymouth en þægilegt hjá Chelsea Sjáðu glæsimark Alexander-Arnold og fyrsta mark Chiesa fyrir Liverpool Daninn og Svíinn á skotskónum í sigri Vals Stórsigur hjá KR-ingum Frábært mark Trents, fyrsta mark Chiesa og nýtt Liverpool met hjá sextán ára strák Alfons og Willum áfram í enska bikarnum Vinícius Júnior gæti keypt sér fótboltafélag Freyr sagði já við Brann Man. City að kaupa tvítugan Úsbeka fyrir sex milljarða Sextán ára strákur í byrjunarliði Liverpool í dag Amorim man ekki eftir því að hafa sagt að það vanti nýja leikmenn Stjóri Liverpool neitaði að tjá sig um Kvaradona orðróminn David Moyes aftur orðinn knattspyrnustjóri Everton Þarf að vera klár á hverjum degi: „Stíg inn í mjög hart umhverfi“ Hákon fiskaði víti og rautt í slökum leik Potter hent úr bikarnum í fyrsta leik Schick stjarnan í sterkum sigri Júlíus keyptur á meira eina milljón evra Hilmir Rafn gerði fjögurra ára samning við norsku Víkingana Freyr sagður vera með samningstilboð frá Brann Ungir strákar í HK halda styrktarleik fyrir veikan vin sinn Aldís Ylfa orðin landsliðsþjálfari fyrir þrítugsafmælið Áreittar af hópi manna eftir leikinn í Jeddah Sjá meira
Austurríki, næsti mótherji Íslands í riðlakeppni EM 2016, er lið sem ýmsir sparkspekingar spáðu mjög góðu gengi á mótinu. Gælt var við að liðið gæti komið allra mest á óvart og jafnvel unnið sér sæti í undanúrslitunum. En það hefur ekki verið líklegt til þess. Austurríki var eitt allra besta liðið í undankeppninni. Það var í nokkuð erfiðum riðli með Svíþjóð, Svartfjallalandi og Rússlandi en gjörsamlega straujaði riðilinn með níu sigra, eitt jafntefli og ekkert tap. Austurríki skoraði 22 mörk og fékk aðeins á sig fimm. Það spilaði leiftrandi fótbolta nánast upp á leik og gerði til dæmis lítið úr Svíum á Vinavöllum í Stokkhólmi, 4-1, þar sem liðin virtust ekki vera að iðka sömu íþróttina. Austurríkismenn hafa verið að byggja upp fótboltann í heimalandinu og eru með gott lið. Það er nokkuð jafnt, duglegt, með mikla hlaupagetu, vel þjálfað en svo með algjöra ása uppi í erminni eins og David Alaba, Marko Arnautovic og Mark Janko, samherja Birkis Bjarnasonar hjá Basel. Í Frakklandi hefur liðið aftur á móti ekki litið vel út. Það var búið að skora í 22 fótboltaleikjum í röð áður en það kom á EM þar sem það er enn í leit að fyrsta markinu. Eftir glæsilega undankeppni virðist svo sannarlega vera skrekkur í Austurríkismönnum á stóra sviðinu. Stórmótasaga Austurríkis undanfarna áratugi er ekki glæsileg. Þetta er lið sem náði þriðja sæti á HM í Sviss 1954 og komst fjórum sinnum á HM frá 1978-1998. Síðan þá hefur Austurríki aðeins komist á eitt stórmót en það var EM 2008 þar sem það var sem gestgjafi og gerði ekki góða hluti. Austurríki á sinn góða leik inni líkt og Ísland en það er bara vonandi að hann láti áfram bíða eftir sér.David Alaba er frábær leikmaður.Vísir/EPAUnga ofurstjarnan týnd David Alaba, 23 ára gamall leikmaður Bayern München, er ekki bara besti leikmaður Austurríkis heldur sá langbesti. Þrátt fyrir að vera ekki eldri hefur hann verið kjörinn knattspyrnumaður Austurríkis fimm ár í röð. Hann er og verður aðalmaðurinn í þessu liði um ókomin ár. Alaba er frábær leikmaður sem er hægt og hljótt að verða einn allra besti spilari álfunnar. Það fer ekki jafn mikið fyrir honum og öðrum þar sem hann spilar 3-4 stöður hjá Bayern og gerir sína hluti án þess að vera með einhver læti. Hann er frábær sendingamaður og einnig geggjaður skotmaður þó hann sé reyndar mikið í því að smella boltanum í tréverkið. Sendingarnar hafa reyndar reynst honum erfiðar á mótinu sem er í takt við hvað austurríska liðið er að spila illa. Alaba hefur aðeins klárað 52 af 73 sendingum á mótinu eða 71 prósent. Það var búist við miklu af Alaba á EM en hann átti að keyra Austurríki langt á þessu móti. Þessi unga ofurstjarna virðist alveg týnd og er bara vonandi að hún finnist ekki fyrr en eftir leik Íslands og Austurríkis á Stade de France.Marcel Koller er þjálfari austurríska landsliðsins.Vísir/EPARainer Bortenschlager, blaðamaður á Kronen ZeitungByrjunarliðið hjá Austurríki er ráðgáta Rétt eins og íslensku þjálfararnir hafa gert hefur Marcel Koller stólað á nokkurn veginn sama byrjunarliðið og náð góðum árangri með það. En nú er hann í miklum vandræðum með að tefla fram sínu sterkasta liði á EM. Meiðsli hafa haft mikil áhrif og þær breytingar sem hann hefur þurft að gera hafa gengið illa upp. David Alaba spilar sem vinstri bakvörður hjá Bayern München og er vanalega djúpur á miðjunni hjá Austurríki. En eftir meiðsli Zlatko Junuzović hefur Alaba verið notaður sem tía og hann var slakur í því hlutverki gegn Portúgal. Við eigum heldur engan almennilegan framherja því að Marc Janko er meiddur. Það er með öllu óvíst hvort hann geti spilað leikinn í dag. Við teljum það þó líklegt enda er ljóst að gegn liði eins og Íslandi þurfum við öflugan mann í teignum. Íslenska vörnin hefur verið afar öflug á mótinu og Austurríki þarf að skora mark í þessum leik til að eiga möguleika á að komast áfram í 16-liða úrslitin. Þar fyrir utan er það mikil ráðgáta hvaða leikkerfi Marcel Koller ætlar að nota. Hvort hann ætli að setja meiri kraft í sóknarleikinn en áður, af fyrrnefndri ástæðu. Allt þetta leiðir til þess að byrjunarliðið er mikil ráðgáta og munu leikmenn ekki fá að vita það sjálfir fyrr en rétt fyrir leik. Margir Austurríkismenn óttuðust að þetta væri allt saman búið eftir tapið fyrir Ungverjalandi. En við vorum stálheppnir að ná jafntefli við Portúgal og eigum því enn möguleika í kvöld. Enda mun lið Austurríkis leggja allt í sölurnar í kvöld.Vísir/EPASögumoli Ísland og Austurríki hafa ekki mæst í leik í keppni í tæp 27 ár eða síðan að þau mættust tvisvar með tveggja mánaða millibili haustið 1989. Fyrri leikurinn endaði með markalausu jafntefli í Laugardalnum þar sem Ísland átti að vinna en Austurríki vann seinni leikinn 2-1 og komst að lokum á HM 1990.Liðsfélagar keppast um að gera gott tímabil enn þá betra Liðsfélagarnir Birkir Bjarnason og Marc Janko mætast í dag með landsliðum sínum á Evrópumótinu í Frakklandi í gríðarlega mikilvægum leik á Stade de France en þeir gerðu góða hluti saman á nýloknu tímabili. Svissneska félagið fékk Birki frá Pescara á Ítalíu og Janko frá Sydney FC í Ástralíu og þeir áttu báðir mjög gott fyrsta tímabil með liðinu. Basel varð svissneskur meistari, Janko skoraði 16 mörk í deildinni og Birkir var með 10 mörk og 5 stoðsendingar. Þeir voru tveir af þremur markahæstu leikmönnum sem voru á sínu fyrsta tímabili í Sviss. Janko var í byrjunarliðinu í fyrsta leik en kom ekkert við í sögu í þeim síðasta vegna meiðsla. Birkir hefur aftur á móti spilað allar 180 mínútur íslenska liðsins og skoraði fyrsta mark Íslands á mótinu.
EM 2016 í Frakklandi Fótbolti Íslenski boltinn Mest lesið Uppgjörið: Svíþjóð - Ísland 26-24 | Svekkjandi tap í síðasta leik fyrir HM Handbolti Frábært mark Trents, fyrsta mark Chiesa og nýtt Liverpool met hjá sextán ára strák Enski boltinn Missti öll tíu Ólympíuverðlaun sín í eldunum Sport Þórir hefur ekki áhuga Handbolti Freyr sagði já við Brann Fótbolti Frækinn sigur Plymouth en þægilegt hjá Chelsea Enski boltinn „Ætla að halda áfram að pumpa væntingarnar“ Handbolti Upprúllun hjá City gegn litla nágrannaliðinu Enski boltinn Áreittar af hópi manna eftir leikinn í Jeddah Fótbolti Stórsigur hjá KR-ingum Íslenski boltinn Fleiri fréttir Milan áfram í miðjumoði eftir jafntefli Slot hrósaði Accrington og ungstirninu Pep staðfestir að Walker vilji fara í janúar Tæpt hjá Leeds gegn Harrogate úr D-deildinni Upprúllun hjá City gegn litla nágrannaliðinu Kane tryggði Bayern fjögurra stiga forystu Tólfta jafntefli Juventus sem hefur ekki enn tapað deildarleik Frækinn sigur Plymouth en þægilegt hjá Chelsea Sjáðu glæsimark Alexander-Arnold og fyrsta mark Chiesa fyrir Liverpool Daninn og Svíinn á skotskónum í sigri Vals Stórsigur hjá KR-ingum Frábært mark Trents, fyrsta mark Chiesa og nýtt Liverpool met hjá sextán ára strák Alfons og Willum áfram í enska bikarnum Vinícius Júnior gæti keypt sér fótboltafélag Freyr sagði já við Brann Man. City að kaupa tvítugan Úsbeka fyrir sex milljarða Sextán ára strákur í byrjunarliði Liverpool í dag Amorim man ekki eftir því að hafa sagt að það vanti nýja leikmenn Stjóri Liverpool neitaði að tjá sig um Kvaradona orðróminn David Moyes aftur orðinn knattspyrnustjóri Everton Þarf að vera klár á hverjum degi: „Stíg inn í mjög hart umhverfi“ Hákon fiskaði víti og rautt í slökum leik Potter hent úr bikarnum í fyrsta leik Schick stjarnan í sterkum sigri Júlíus keyptur á meira eina milljón evra Hilmir Rafn gerði fjögurra ára samning við norsku Víkingana Freyr sagður vera með samningstilboð frá Brann Ungir strákar í HK halda styrktarleik fyrir veikan vin sinn Aldís Ylfa orðin landsliðsþjálfari fyrir þrítugsafmælið Áreittar af hópi manna eftir leikinn í Jeddah Sjá meira