Fótbolti

Bale áfram hjá Real Madrid til 2022

Ingvi Þór Sæmundsson skrifar
Bale er á sínu fjórða tímabili hjá Real Madrid.
Bale er á sínu fjórða tímabili hjá Real Madrid. vísir/getty
Gareth Bale hefur skrifað undir nýjan sex ára samning við Real Madrid. Nýi samningurinn gildir til ársins 2022.

Bale varð dýrasti leikmaður heims þegar Real Madrid keypti hann frá Tottenham sumarið 2013.

Bale hefur skorað 62 mörk í 134 leikjum fyrir Madrídarliðið. Hann hefur tvívegis unnið Meistaradeild Evrópu með Real Madrid, auk þess sem hann hefur unnið spænsku bikarkeppnina, heimsmeistarakeppni félagsliða og Ofurbikar Evrópu með félaginu.

Bale var í byrjunarliði Real Madrid sem vann 1-4 útisigur á Alavés í spænsku úrvalsdeildinni í gær. Bale og félagar sitja á toppi deildarinnar með 24 stig, tveimur stigum á undan Barcelona.

Spænski boltinn

Mest lesið


Fleiri fréttir

Sjá meira


×

Mest lesið