Microsoft má kaupa LinkedIn

Tölvufyrirtækið Microsoft hefur fengið leyfi frá samkeppniseftirliti Evrópusambandsins til að kaupa samfélagsmiðilinn LinkedIn. Linked­In tengir saman atvinnurekendur og fólk í atvinnuleit og hefur notið mikilla vinsælda.

Samningurinn nemur 26 milljörðum Bandaríkjadala og er stærsta yfirtaka Microsoft fram að þessu. Samningurinn hefur nú þegar hlotið grænt ljós í Bandaríkjunum, Kanada, Brasilíu og Suður-Afríku að því er Reuters greinir frá. Gengið verður endanlega frá honum á næstu dögum.