Fiðlusnillingurinn Svend Asmussen látinn

Danski djasstónlistarmaðurinn og fiðluleikarinn Svend Asmussen er látinn, 100 ára að aldri. Politiken greinir frá þessu.

Asmussen var talinn einn allra besti tónlistarmaður Danmerkur og lék á ferli sínum meðal annars með goðsögnum á borð við Duke Ellington, Fats Waller, Benny Goodman og Joséphine Baker.

Asmussen kom margoft fram á Íslandi, meðal annars með kvartett sínum árið 1993 þar sem hann lék á RúRek-hátíðinni.

Þá kom hann einnig fram á Djasshátíð Egilsstaða árið 1997 og á Akureyri og í Bolungarvík árið 1998.

Að neðan má sjá Asmussen í tríóinu The Swe-Danes árið 1958.