Tveir nýliðar í hópnum sem mætir Slóvakíu og Hollandi

Freyr Alexandersson, landsliðsþjálfari kvenna í fótbolta, tilkynnti í dag 23 manna leikmannahóp sem mætir Slóvakíu og Hollandi ytra í vináttuleikjum í næsta mánuði.

Tveir nýliðar eru í hópnum en það eru Agla María Albertsdóttir, 17 ára gamall miðjumaður Íslandsmeistara Stjörnunnar, og Ingibjörg Sigurðardóttir, 19 ára gamall varnarmaður Breiðabliks.

Guðmunda Brynja Óladóttir, leikmaður Stjörnunnar, kemur inn í hópinn frá Algarve-mótinu en hún var kölluð þangað vegna meiðsla Söndru Maríu Jessen sem er enn þá frá. Andrea Rán Hauksdóttir kemur einnig inn í hópinn en hún var ekki með á Algarve.

Arna Sif Ásgrímsdóttir, miðvörður Vals, er ekki í hópnum að þessu sinni en Dóra María Lárusdóttir er heldur ekki með vegna meiðsla. Hún sleit krossband og verður lengi frá. Einnig vantar hina sterku Dagnýju Brynjarsdóttur.

Stelpurnar okkar mæta Slóvakíu fimmtudaginn 6. apríl og Hollandi þriðjudaginn 11. apríl. Holland er gestgjafi EM í sumar en Ísland og Holland mættust síðast í apríl fyrir tveimur árum og þá höfðu okkar stúlkur betur, 2-1.

Hópurinn á móti Slóvakíu og Hollandi:

Markverðir:

Guðbjörg Gunnarsdóttir, Djurgården

Sandra Sigurðardóttir, Val

Sonný Lára Þráinsdóttir, Breiðabliki

Varnarmenn:

Rakel Hönnudóttir, Breiðabliki

Anna Björk Kristjánsdóttir, LB07

Sif Atladóttir, Kristianstard

Hrafnhildur Hauksdóttir, Val

Glódís Perla Viggósdóttir, Eskilstuna

Ingibjörg Sigurðardóttir, Breiðabliki

Elísa Viðarsdóttir, Val

Hallbera Guðný Gísladóttir, Djurgården

Miðjumenn:

Gunnhildur Yrsa Jónsdóttir, Vålerenga

Andrea Rán Snæfeld Hauksdóttir, Breiðabliki

Sara Björk Gunnarsdóttir, Wolfsburg

Sigríður Lára Garðarsdóttir, ÍBV

Málfríður Erna Sigurðardóttir, Val

Agla María Albertsdóttir, Stjörnunni

Fanndís Friðriksdóttir, Breiðabliki

Sóknarmenn:

Katrín Ásbjörnsdóttir, Stjörnunni

Berglind Björg Þorvaldsdóttir, BReiðabliki

Margrét Lára Viðarsdóttir, Val

Guðmunda Brynja Óladóttir, Stjörnunni

Elín Metta Jensen, Val