Sektaður um 12 milljónir króna fyrir grímufagnið

Forráðamenn Dortmund voru ekki hrifnir af því er framherji liðsins, Pierre-Emerick Aubameyang, fagnaði marki í leik liðsins á þriðjudag með því að setja upp grímu.

Enda er félagið búið að sekta hann um rúmar 12 milljónir króna fyrir uppátækið. Liðsfélagar hans gagnrýndu hann líka eftir leikinn.

Þetta er ekki í fyrsta skiptið sem hann setur upp grímu eftir að hafa skorað en það sem var alvarlegra er að þetta var gríma frá Nike en Dortmund spilar í Puma-búningum.

Fyrirliði Dortmund sagði að þetta hefði verið heimskulegt uppátæki og að leikmenn væru þegar búnir að ræða við framherjann.