Jafntefli hjá Jönköpings

Árni Vilhjálmsson kom af bekknum á sjöttu mínútu uppbótartíma í 1-1 jafntefli Jönköpings og Östersunds í sænsku úrvalsdeildinni í dag.

Norður-Írinn Daryl Smylie skoraði mark Jönköpings á 73. mínútu leiksins.

Jönköpings er í neðri hluta sænsku úrvalsdeildarinnar, í tólfta sæti með 17 stig. Jafntefli gerir ekki mikið fyrir liðið, það er sjö stigum frá fallsæti eftir 14 leiki.

Íslendingurinn Haukur Heiðar Hauksson er á mála hjá sænska liðinu AIK, en hann er frá keppni vegna meiðsla.

Lið hans sigraði Kalmar 1-0 á útivelli í dag og lyfti liðið sér upp í fjórða sæti deildarinnar.