Hjörtur skoraði sjálfsmark í tapi Brøndby

Hjörtur Hermannsson varð fyrir því óláni að skora sjálfsmark þegar lið hans Brøndby mætti Århus í dönsku úrvalsdeildinni í fótbolta.

Hjörtur skallaði hornspyrnu í eigið net á 13. mínútu leiksins.

Mikkel Rask tryggði svo sigurinn fyrir Århus með marki í uppbótartíma og fór leikurinn 2-0 fyrir heimamenn. Brøndby voru manni færri í rúman klukkutíma, en Benedikt Rocker var rekinn af velli eftir 25. mínútna leik.

Björn Daníel Sverrisson var ónotaður varamanður hjá Århus, sem fara með sigrinum upp í 10. sæti deildarinnar.