Í beinni: Apple kynnir iPhone X

Tim Cook, forstjóri Apple, mun kynna nýjar vörur frá bandaríska tæknirisanum á sérstakri kynningu í höfuðstöðvum Apple. Fastlega er reiknað með að Apple muni kynna til leiks iPhone X og iPhone 8, ásamt ýmsu öðru.

Kynningin hefst klukkan fimm og fer fram í hinu glænýja Steve Jobs Theatre, sem staðsett er á lóð nýrra höfuðstöðva Apple sem nú eru í byggingu.

Reiknað er með að Apple muni kynna iPhone X, sérstaka viðhafnarútgáfu af iPhone-símanum vinsæla, sem fagnar tíu ára afmæli í dag. Þá er einnig reiknað með iPhone 8 verði kynntur til leiks.

Þá þykir ólíklegt að Apple Watch fái uppfærslu auk Apple TV. Þá þykir næsta víst að iOS 11, stýrikerfi fyrir snjallsíma og spjaldtölvur Apple, verði kynnt en það hefur verið í bígerð undanfarna mánuði.

Horfa má á kynninguna á heimasíðu Apple en hafa skal í huga að aðeins er hægt að horfa á kynninguna á vef Apple í gegnum Safari-vafra Apple.

Hér fyrir neðan má sjá röð tísta um kynninguna auk þess sem að á vef Gizmodo má sjá sérstaka vakt um kynninguna.

#AppleEvent Tweets