Statoil skiptir um nafn

„Við teljum þetta vera sögulegan dag. Í næstum 50 ár hefur hið flotta nafn Statoil þjónað okkur vel. En nú þegar við horfum til næstu 50 ára, breytingana á orkubúskapi heimsins og hvernig við þróum breiðara orkufyrirtæki, þá er eðlilegt skref að skipta um nafn,“ segir forstjóri Statoil, Eldar Sætre.

Tillaga hefur verið lögð fram af stjórn norska ríkisolíufyrirtæksins um að breyta nafni Statoil í Equinor. Gert er ráð fyrir því að nafnabreytingin verði formlega kynnt á ársfundi fyrirtækisins þann 15. maí næstkomandi.

Olíu- og orkumálaráðherra Noregs, Terje Søviknes, segir að norsk stjórnvöld styðji fyrirtækið heilshugar við nafnaskiptin. Þannig munu þau kjósa með tillöguna á ársfundinum í maí.

Statoil segir í samtali við norska miðilinn E24 að nafnð Equinor sé engin hrákasmíð. Nafnið eigi að fá fólk til að hugsa um hið víðfræga norska jafnrétti. Það sé samsett úr tveimur hlutum: „Nor“ sem vísar til Noregs og „Equi“ er sótt úr ensku, enda líkt orðunum „equal,“ (jöfn) „equality“ (jafnfrétti) og „equilibrium“ (jafnvægi).

Nafnið Equinor er þó þegar í notkun í Noregi. Ríkisolíufyrirtækið þarf því að komast að samkomulagi við norskan dýralækni, en „equi“ vísar jafnframt til hests á latínu.