Fram-stúlkur brutu bikarinn │ Myndasyrpa

Fram varð Íslandsmeistari í 22. sinn í kvöld er liðið lagði Val að velli í fjórða leik liðanna í úrslitarimmunni um titilinn.

Sigur Fram var nokkuð tæpur en eftir jafnan og spennandi leik vann Fram með fjórum mörkum 26-22. Liðið tryggði sér því annan Íslandsmeistaratitilinn á tveimur árum.

Það gekk þó meira á í fagnaðarlátunum eftir leik því eftir bikarafhendinguna brotnaði bikarinn er hann gekk á milli leikmanna á verðlaunapallinum.

Er Ragnheiður Júlíusdóttir og Elísabet Gunnarsdóttir voru að virða fyrir sér bikarinn virtist hann einfaldlega detta í sundur.

Skemmtilegar myndir af þessu og meira til má sjá hér neðar í fréttinni.