Dómarinn í Stanford-nauðgunarmálinu settur af

Kjartan Kjartansson skrifar 6. júní 2018 07:51

Persky hefur sagt að hann myndi fara eins með mál Brock Turner ef það kæmi inn á borð hans í dag þrátt fyrir gagnrýnina sem dómur hans hlaut. Vísir/AP

Kjósendur í Santa Clara-sýslu í Kaliforníu í Bandaríkjunum afturkölluðu í gær umboð dómara sem kvað upp umdeildan dóm yfir háskólanema sem nauðgaði skólasystur sinni við Stanford-háskóla fyrir tveimur árum.

Aaron Persky dæmdi Brock Turner í sex mánaða fangelsi fyrir þrjú kynferðisbrot. Turner nauðgaði stúlku sem hafði dáið áfengisdauða á bak við ruslagám. Málið vakti mikla athygli í Bandaríkjunum, ekki síst vegna dómsins yfir Turner sem þótti vægur. Saksóknarar höfðu krafist sjö ára fangelsisdóms yfir honum.

Í Kaliforníu er heimild í lögum til afturkalla umboð dómara í kosningum. Þannig var kosið um tillögu um að afturkalla umboð Persky samhliða kosningum í forvali fyrir þingkosningar í gær. Persky varð fyrsti dómarinn til að missa umboð sitt í Kaliforníu með þessum hætti frá árinu 1932, að sögn AP-fréttastofunnar.

Turner var sleppt úr fangelsi fyrir góða hegðun þegar hann hafði afplánað þrjá mánuði af refsingu sinni.

Herferðin fyrir afturköllun umboðs Persky hefur verið umdeild. Persky fylgdi ráðleggingum skilorðsnefndar sýslunnar þegar hann dæmdi Turner og eftirlitsnefnd með dómstólum í Kaliforníu úrskurðaði að hann hafi farið eftir lögum. Saksóknarinn í málinu áfrýjaði niðurstöðunni ekki.

„Sjálfstæði dómstóla er lykilatriði í samfélagi okkar. Hvaða mál sem þú ert með fyrir dómara þá viltu að dómarinn líti á þig og komi fram við þig sem einstakling og hugsi ekki um kosningar, feril sinn eða hvað mun gerast. Áhyggjur mínar af afturkölluninni eru að dómarar muni hugsa sig um hvernig þetta eigi eftir að falla í kramið hjá almenningi,“ segir Jeff Rosen, saksóknari í Santa Clara-sýslu, við Vice.

Í myndbandinu hér fyrir neðan má sjá umfjöllun Vice um herferðina til að afturkalla umboð Persky í Santa Clara-sýslu.

MeToo

Tengdar fréttir

Stanford-nauðgarinn: „Ég gerði mistök, ég drakk of mikið“

Brock Turner, sem dæmdur var í sex mánaða fangelsi í liðinni viku fyrir að nauðga meðvitundarlausri konu á bak við ruslagám á skólalóð Stanford-háskóla í janúar í fyrra, virðist að litlu sem engu leyti taka ábyrgð á gjörðum sínum umrædda nótt.

9. júní 2016 11:04

Stanford-nauðgarinn áfrýjar: „Það sem gerðist er ekki glæpur“

Brock Turner sat þrjá mánuði í fangelsi fyrir að nauðga meðvitundarlausri konu á bak við ruslagám á skólalóð Stanford-háskóla í janúar árið 2015.

2. desember 2017 21:26

Sleppur með lágmarksrefsingu fyrir nauðgun: „Mjög pirraður út í helvítis tíkina“

Austin James Wilkerson 22 ára nemi í University of Colorado í Bandaríkjunum var í liðinni viku fundinn sekur um að nauðga 19 ára stúlku í mars 2014.

17. ágúst 2016 15:21

Sakar Stanford-háskóla um að hafa ítrekað hunsað kvartanir kvenna um kynferðisbrot

Stanford-háskóli í Bandaríkjunum hunsaði kvartanir um kynferðisbrot, vísaði frá einstaklingum sem settu fram ásakanir um kynferðisbrot og refsaði ekki nemanda sem þekktur var fyrir að brjóta gegn konum.

8. desember 2016 14:26

Stanford-nauðgunin: Sáu strax að eitthvað væri að þegar þeir nálguðust ruslagámana á skólalóðinni

Sænsku stúdentarnir Carl-Fredrik Arndt og Peter Jonsson voru að hjóla í gegnum skólalóð Stanford-háskóla aðfaranótt 18. janúar 2015 þegar þeir komu auga á Brock Turner á bak við ruslagám þar sem hann lá ofan á hreyfingarlausri konu.

8. júní 2016 14:24

Stanford-nauðgunin: Nauðgarinn hló að Svíunum tveim sem komu að honum þar sem hann lá ofan á rænulausri konunni

Gögn úr réttarhöldum yfir Brock Turner, sem fyrr á árinu var dæmdur í sex mánaða fangelsi fyrir að nauðga rænulausri skólasystur sinni á bakvið ruslagám á skólalóð Stanford-háskóla í janúar í fyrra, sýna að hann hló að tveimur Svíum sem komu að honum þar sem hann lá ofan á konunni.

26. ágúst 2016 23:42

Sex mánaða nauðgunardómur vekur reiði: „Vegna þín fannst mér ég einskis virði“

Brock Turner var nemandi í Stanford-háskóli þegar hann nauðgaði konu á bak við ruslagám á skólalóðinni í janúar í fyrra.

7. júní 2016 14:42

Stanford-nauðgarinn losnar úr fangelsi á morgun

Brock Turner fyrrverandi nemandi Stanford-háskóla sem sakfelldur var fyrr á árinu fyrir að nauðga skólasystur sinni, losnar úr fangelsi á morgun eftir að hafa afplánað þrjá mánuði af sex mánaða dómi sem hann fékk þar sem hann hefur hagað sér vel innan veggja fangelsins.

1. september 2016 10:56