Frumvarp um klofmyndatökur í óleyfi strandaði á einum Íhaldsmanni

Mótmæli eins þingmanns Íhaldsflokksins á breska þinginu í dag urðu til þess að bið verður á því að svokallaðar „upskirting“-myndatökur verði refsiverðar á Englandi og í Wales. Um er að ræða ljósmyndir sem teknar eru upp undir pils kvenna, og annarra sem kunna að klæðast þeim, án samþykkis.

Herferð sem snýr að því að skilgreina myndatökurnar sem kynferðisbrot, og gera þær þannig refsiverðar, hefur vakið mikla athygli á Bretlandseyjum. Að herferðinni stendur bresk kona, Gina Martin, sem sjálf varð fyrir kynferðisofbeldi í formi slíkrar myndatöku á tónlistarhátíð í fyrrasumar.

Barátta Martin varð að lokum að lagafrumvarpi, sem lagt var fyrir breska þingið í dag, og stefndi allt í að það yrði samþykkt. Með lögunum gætu þeir sem uppvísir yrðu að téðum myndatökum átt yfir höfði sér tveggja ára fangelsi.

 

I was targeted by a creep, who put his hand between my legs and took pictures of my crotch without me knowing. I gave the police the phone, the picture and the guy... and they closed my case. And told me that if I hadn't been wearing knickers they might have been able to do more. started a petition to get him prosecuted and it now has 53,000 signatures. Now, the fight has changed. I'm campaigning to get upskirting listed as a Sexual Offence and I need your help. Sign the petition, share it with the women in your life and listen out, because soon i'm going to need your help to push our MP's to make a change. Let's do this, girls. What you're wearing should have nothing to do with how you're treated. You are NOT the stylist of your own abuse. Link is in my bio.

A post shared by Gina Martin (@beaniegigi) on Aug 8, 2017 at 12:36pm PDT

„Ég mótmæli!“ það eina sem þarf til

Þingmaður breska Íhaldsflokksins, Christopher Chope, mótmælti hins vegar frumvarpinu þegar það var tekið fyrir í dag. Samkvæmt lögum þarf þingmaður aðeins að hrópa „ég mótmæli!“ til að hefta afgreiðslu frumvarps og þennan rétt nýtti Chope sér.

Þingmaðurinn hefur sætt mikilli gagnrýnni, bæði frá pólitískum andstæðingum og samflokksmönnum sínum, en þar á meðal hefur forsætisráðherra Bretlands, Theresa May, lýst yfir stuðningi við frumvarpið.

Upskirting is an invasion of privacy which leaves victims feeling degraded and distressed. I am disappointed the Bill didn't make progress in the Commons today, and I want to see these measures pass through Parliament - with government support - soon.

— Theresa May (@theresa_may) June 15, 2018

 

Chope tjáði Martin, upphafskonu frumvarpsins, að hann hefði mótmælt af „prinsippástæðum“, þar eð engin umræða um frumvarpið hefði farið fram, og þá sagðist hann jafnframt ekki gera sér grein fyrir því hvað frumvarpið snerist yfir höfuð um.

Ekki er þó öll von úti enn en samkvæmt umfjöllun breska ríkisútvarpsins fá flutningsmenn þess færi á að taka það upp á ný. Þá er Martin sjálf vongóð um að frumvarpið verði að lögum og mun hún funda með Chope á næstu dögum, að því er fram kemur í yfirlýsingu Martin vegna málsins.

My official statement on Sir Christopher Chope blocking our bill to make upskirting a sexual offence. pic.twitter.com/xWxu7rZaYb

— Gina Martin (@beaniegigi) June 15, 2018

Myndin ekki nógu gróf

Forsögu málsins má rekja til tónlistarhátíðarinnar British Summer Time sem haldin var í London í júlí í fyrra. Á hátíðinni gáfu tveir menn sig á tal við Martin og systur hennar en Martin segir samskiptin fljótt hafa orðið óþægileg. Samtalinu lyktaði með því að annar mannanna dró fram síma sinn, stakk honum á milli læra Martin og tók mynd af klofi hennar upp undir pilsið.

Martin reif símann af manninum og sýndi lögreglu sem kölluð var sérstaklega til vegna atviksins. Lögregluþjónarnir skoðuðu myndina en sögðu hana ekki „sýna nægilega mikið“ til að eitthvað væri hægt að aðhafast í málinu.

Í kjölfarið hrinti Martin af stað áðurnefndri herferð undir myllumerkinu #stopskirtingtheissue (ísl. „Hættum að sneiða hjá vandamálinu“), sem kom boðskapnum að lokum á þingpallanna.