„Efaðist um það hvort mér myndi einhvern tímann líða vel aftur“ Óskar Ófeigur Jónsson skrifar 21. nóvember 2018 12:00 Guðlaug Edda Hannesdóttir. Mynd/Instagram/eddahannesd Íslenska þríþrautarkonan Guðlaug Edda Hannesdóttir hefur glímt við miklar afleiðingar heilahristings sem hún varð fyrir í sumar eftir fall í keppni. Hún segist hafa farið alltof fljótt af stað aftur og ráðleggur öðrum að læra af sinni reynslu. Guðlaug Edda Hannesdóttir ætlar sér mikið næstu árin en hún er að reyna að verða fyrsta þríþrautaríþróttamaður Íslendinga sem kemst inn á Ólympíuleika. Ólympíusamhjálpin hefur líka trú á Eddu. Hún er ein af átta íslenskum íþróttamönnum sem eru á styrk vegna undirbúnings fyrir Ólympíuleikana í Tókýó árið 2020. Í þríþrautinni keppir Guðlaug Edda í þremur greinum eða sundi, hjólreiðum og hlaupi. Þetta er því íþrótt sem reynir á margvíslegan hátt á líkama keppenda. Guðlaug Edda hefur reglulega leyft stuðningsfólki sínu og áhugasömum að skygnast inn í sinn heim með því að skrifa fróðlega og persónulega pistla um hvað hún er að ganga í gegnum á sinni vegferð. Sá nýjasti af þeim var að detta inn og þar kemur í ljós að eftirmálar af heilahristingnum eru enn að herja á okkar konu. Guðlaug Edda kom aftur eftir fallið og hélt áfram að keppa. Tveimur mánuðum eftir heilahristingin fór hún hinsvegar að finna fyrir sambærilegum einkennum og strax eftur að hún hlaut heilahristinginn. „Samt sem áður hélt ég áfram að keppa, og gekk nokkuð vel, en líkaminn var hægt og rólega að falla saman. Ég tengdi einkennin mín á engan hátt við heilahristinginn, en eftir þónokkuð marga læknatíma er ljóst að heilahristingurinn hafði meiri áhrif á líkamann minn en við héldum fyrst, og líklegast byrjaði ég allt of snemma að æfa aftur eftir slysið. Það er eitthvað sem ég læri af og ætla ekki að endurtaka,“ skrifar Guðlaug Edda. Það var bara eitt til ráða. „Eftir Weihai World Cup í lok september tók ég þá ákvörðun að slútta keppnistímabilinu og taka offseason fyrr en ég ætlaði til þess að ná að batna almennilega. Ég var eiginlega tilneydd til þess, þar sem ég svaf ekkert vikuna fyrir keppnina og þróaði á endanum með mér svefnvanda sem ég er enn að vinna úr,“ skrifar Guðlaug Edda en heldur svo áfram. „Ég er búin að fara í fleiri, fleiri rannsóknir, læknatíma og skoðanir undanfarnar vikur. Skýringin á öllu þessu er að ég byrjaði aftur að æfa allt og snemma á miðað við alvarleika heilahristingsins sem ég hlaut, og endaði á því að ofhlaða á mér heilann þannig hann hætti að vilja að slökkva á sér. Undanfarnir mánuðir hafa því farið í allskyns heilarannsóknir og ég hef þurft að kenna heilanum mínum aftur að slökkva á sér með ýmsum slökunaræfingum, takmörkunum á tækjum með bláum ljósum og öðru slíku,“ skrifar Guðlaug Edda. Guðlaug Edda hefur samt góðar fréttir líka því síðustu vikur hafa hinsvegar verið góðar hjá henni og hún er farin að sofa eðlilega aftur sem og byrjuð að æfa og undirbúa næsta keppnistímabil. Það breytir ekki því að haustmánuðirnir voru henni gríðarlega erfiðir. „Á meðan ég gekk í gegnum þennan svefnvanda efaðist ég oft um hvort ég myndi einhverntímann sofa aftur. Það er hrikaleg tilfinning og ég hafði ekki áttað mig á því hversu mikil áhrif svefn getur haft á andlega og líkamlega heilsu. Ég tek svefni aldrei aftur sem sjálfsögðum hlut. Ég vil líka hvetja alla þá sem lenda í því að verða fyrir heilahristing að fara varlega í nokkrar vikur eftir á. Það er ekki kúl að þykjast vera sterkur og byrja of snemma eftir að heilinn hefur orðið fyrir svo miklu áfalli og skaða,“ skrifar Guðlaug Edda og það er hægt að taka undir þau orð. Það má finna allan pistil hennar hér fyrir neðan. Ólympíuleikar Mest lesið Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn KR vann nýliðaslaginn Körfubolti Grindvíkingar horfa áfram út fyrir landsteinana Körfubolti Tottenham bjargaði stigi í Noregi Fótbolti Meistararnir byrja á góðum sigri Körfubolti Uppgjörið: Þróttur - Breiðablik 3-2 | Aftur mistókst Blikum að tryggja titilinn Íslenski boltinn Uppgjör: Víkingur - Valur 3-0 | Sannfærandi heimasigur í rigningunni Íslenski boltinn „Eina leiðin að segja já og amen við dómaranefndina“ Körfubolti Heimir yfirgefur FH að tímabilinu loknu Íslenski boltinn Fleiri fréttir „Síðan koma raddir um að þetta sé ekkert svo alvarlegt“ Grindvíkingar horfa áfram út fyrir landsteinana Tottenham bjargaði stigi í Noregi KR vann nýliðaslaginn Meistararnir byrja á góðum sigri „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni „Gott að láta ekki mótlæti brjóta sig niður“ Heimir yfirgefur FH að tímabilinu loknu Íslendingarnir skutu Ringsted áfram Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Stjarnan - Njarðvík 64-81 | Reynslan skilaði gestunum sigri Uppgjörið: Þróttur - Breiðablik 3-2 | Aftur mistókst Blikum að tryggja titilinn Mbappé fór mikinn í Kasakstan Magdeburg fataðist flugið og Bjarki Már í úrslit Mourinho knúsaði gamla vinnufélaga en er rauður í kvöld „Væri eiginlega kjánalegt að segjast ekki ætla að gera betur“ Gera aðra atlögu að titlinum eftir handleggsbrot Elínar Helenu Laufey sú elsta sem kemst á pall Ragnar frá Þorlákshöfn í Grindavík Héldu vöku fyrir leikmönnum Liverpool Davíð Smári hissa: „Sökudólgur sjálfur með því að setja viðmiðið mjög hátt“ Hans Viktor framlengir við KA Refsað fyrir rasisma mikils fjölda áhorfenda Meiddist hroðalega en fór hlæjandi af velli Fengu nóg af skeytingarleysi og mismunun Jón Þór ráðinn í björgunaraðgerðir hjá Vestra Sjáðu boltahnupl Valdimars sem nánast tryggði Víkingum titilinn Sjá meira
Íslenska þríþrautarkonan Guðlaug Edda Hannesdóttir hefur glímt við miklar afleiðingar heilahristings sem hún varð fyrir í sumar eftir fall í keppni. Hún segist hafa farið alltof fljótt af stað aftur og ráðleggur öðrum að læra af sinni reynslu. Guðlaug Edda Hannesdóttir ætlar sér mikið næstu árin en hún er að reyna að verða fyrsta þríþrautaríþróttamaður Íslendinga sem kemst inn á Ólympíuleika. Ólympíusamhjálpin hefur líka trú á Eddu. Hún er ein af átta íslenskum íþróttamönnum sem eru á styrk vegna undirbúnings fyrir Ólympíuleikana í Tókýó árið 2020. Í þríþrautinni keppir Guðlaug Edda í þremur greinum eða sundi, hjólreiðum og hlaupi. Þetta er því íþrótt sem reynir á margvíslegan hátt á líkama keppenda. Guðlaug Edda hefur reglulega leyft stuðningsfólki sínu og áhugasömum að skygnast inn í sinn heim með því að skrifa fróðlega og persónulega pistla um hvað hún er að ganga í gegnum á sinni vegferð. Sá nýjasti af þeim var að detta inn og þar kemur í ljós að eftirmálar af heilahristingnum eru enn að herja á okkar konu. Guðlaug Edda kom aftur eftir fallið og hélt áfram að keppa. Tveimur mánuðum eftir heilahristingin fór hún hinsvegar að finna fyrir sambærilegum einkennum og strax eftur að hún hlaut heilahristinginn. „Samt sem áður hélt ég áfram að keppa, og gekk nokkuð vel, en líkaminn var hægt og rólega að falla saman. Ég tengdi einkennin mín á engan hátt við heilahristinginn, en eftir þónokkuð marga læknatíma er ljóst að heilahristingurinn hafði meiri áhrif á líkamann minn en við héldum fyrst, og líklegast byrjaði ég allt of snemma að æfa aftur eftir slysið. Það er eitthvað sem ég læri af og ætla ekki að endurtaka,“ skrifar Guðlaug Edda. Það var bara eitt til ráða. „Eftir Weihai World Cup í lok september tók ég þá ákvörðun að slútta keppnistímabilinu og taka offseason fyrr en ég ætlaði til þess að ná að batna almennilega. Ég var eiginlega tilneydd til þess, þar sem ég svaf ekkert vikuna fyrir keppnina og þróaði á endanum með mér svefnvanda sem ég er enn að vinna úr,“ skrifar Guðlaug Edda en heldur svo áfram. „Ég er búin að fara í fleiri, fleiri rannsóknir, læknatíma og skoðanir undanfarnar vikur. Skýringin á öllu þessu er að ég byrjaði aftur að æfa allt og snemma á miðað við alvarleika heilahristingsins sem ég hlaut, og endaði á því að ofhlaða á mér heilann þannig hann hætti að vilja að slökkva á sér. Undanfarnir mánuðir hafa því farið í allskyns heilarannsóknir og ég hef þurft að kenna heilanum mínum aftur að slökkva á sér með ýmsum slökunaræfingum, takmörkunum á tækjum með bláum ljósum og öðru slíku,“ skrifar Guðlaug Edda. Guðlaug Edda hefur samt góðar fréttir líka því síðustu vikur hafa hinsvegar verið góðar hjá henni og hún er farin að sofa eðlilega aftur sem og byrjuð að æfa og undirbúa næsta keppnistímabil. Það breytir ekki því að haustmánuðirnir voru henni gríðarlega erfiðir. „Á meðan ég gekk í gegnum þennan svefnvanda efaðist ég oft um hvort ég myndi einhverntímann sofa aftur. Það er hrikaleg tilfinning og ég hafði ekki áttað mig á því hversu mikil áhrif svefn getur haft á andlega og líkamlega heilsu. Ég tek svefni aldrei aftur sem sjálfsögðum hlut. Ég vil líka hvetja alla þá sem lenda í því að verða fyrir heilahristing að fara varlega í nokkrar vikur eftir á. Það er ekki kúl að þykjast vera sterkur og byrja of snemma eftir að heilinn hefur orðið fyrir svo miklu áfalli og skaða,“ skrifar Guðlaug Edda og það er hægt að taka undir þau orð. Það má finna allan pistil hennar hér fyrir neðan.
Ólympíuleikar Mest lesið Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn KR vann nýliðaslaginn Körfubolti Grindvíkingar horfa áfram út fyrir landsteinana Körfubolti Tottenham bjargaði stigi í Noregi Fótbolti Meistararnir byrja á góðum sigri Körfubolti Uppgjörið: Þróttur - Breiðablik 3-2 | Aftur mistókst Blikum að tryggja titilinn Íslenski boltinn Uppgjör: Víkingur - Valur 3-0 | Sannfærandi heimasigur í rigningunni Íslenski boltinn „Eina leiðin að segja já og amen við dómaranefndina“ Körfubolti Heimir yfirgefur FH að tímabilinu loknu Íslenski boltinn Fleiri fréttir „Síðan koma raddir um að þetta sé ekkert svo alvarlegt“ Grindvíkingar horfa áfram út fyrir landsteinana Tottenham bjargaði stigi í Noregi KR vann nýliðaslaginn Meistararnir byrja á góðum sigri „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni „Gott að láta ekki mótlæti brjóta sig niður“ Heimir yfirgefur FH að tímabilinu loknu Íslendingarnir skutu Ringsted áfram Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Stjarnan - Njarðvík 64-81 | Reynslan skilaði gestunum sigri Uppgjörið: Þróttur - Breiðablik 3-2 | Aftur mistókst Blikum að tryggja titilinn Mbappé fór mikinn í Kasakstan Magdeburg fataðist flugið og Bjarki Már í úrslit Mourinho knúsaði gamla vinnufélaga en er rauður í kvöld „Væri eiginlega kjánalegt að segjast ekki ætla að gera betur“ Gera aðra atlögu að titlinum eftir handleggsbrot Elínar Helenu Laufey sú elsta sem kemst á pall Ragnar frá Þorlákshöfn í Grindavík Héldu vöku fyrir leikmönnum Liverpool Davíð Smári hissa: „Sökudólgur sjálfur með því að setja viðmiðið mjög hátt“ Hans Viktor framlengir við KA Refsað fyrir rasisma mikils fjölda áhorfenda Meiddist hroðalega en fór hlæjandi af velli Fengu nóg af skeytingarleysi og mismunun Jón Þór ráðinn í björgunaraðgerðir hjá Vestra Sjáðu boltahnupl Valdimars sem nánast tryggði Víkingum titilinn Sjá meira