Fury gerði risasamning við ESPN

Breski hnefaleikakappinn Tyson Fury er í toppmálum eftir að hafa skrifað undir sögulegan samning við bandarísku íþróttasjónvarpsstöðina ESPN.

Samningurinn er sagður vera metinn á 80 milljónir dollara eða 9,6 milljarða króna.

Þetta á víst að vera samningur upp á næstu fimm bardaga Fury. Þungavigtarkappinn segir að þessi samningur muni auðvelda honum að berjast við Deontay Wilder.

Það flækir samt stöðuna að Fury, Wilder og Anthony Joshua eru nú allir komnir með samning við sitt hvora sjónvarpsstöðina. Það verður eitthvað stuð fyrir umboðsmenn þeirra að semja um næstu bardaga.

ESPN er að veðja nokkuð á bardagaíþróttir þessa dagana en um áramótin byrjaði stöðin að sýna frá UFC og tók við því hlutverki af Fox Sports. Áhorf á UFC hefur þegar aukist mikið í Bandaríkjunu eftir að ESPN tók við efninu.