Fótbolti

PSG vill fá Coutinho lánaðan

Anton Ingi Leifsson skrifar
Coutinho á æfingu með brasilíska landsliðinu.
Coutinho á æfingu með brasilíska landsliðinu. vísir/getty
Phillippe Coutinho er væntanlega á útleið frá Barcelona í sumar en nú segja enskir miðlar frá því að PSG sé væntanlegur áfangastaður.

Coutinho hefur átt erfitt uppdráttar hjá Barcelona og hefur ekki fallið vel í kramið hjá stuðningsmönnum liðsins sem eru ekki yfir sig hrifnir af Brassanum.

Eftir vonbrigðin í Meistaradeildinni er reiknað með allsherjar sumarútsölu hjá Barcelona í sumar og Coutinho er einn af þeim sem eru líklega á útleið.





Nú segja fjölmiðlar frá því að nú hafi franski risinn PSG sé inn í myndinni en þeir vilja fyrst fá hann að láni með klásúlu um það að geta keypt hann síðar meir.

Coutinho er nú með brasilíska landsliðinu sem undirbýr sig fyrir Suður-Ameríkukeppnina sem hefst um miðjan mánuðinn.

Fótbolti

Mest lesið


Fleiri fréttir

Sjá meira


×

Mest lesið