Mane skoraði og klúðraði vítaspyrnu │ Benín skellti Marokkó

Benín og Senegal eru komin áfram í átta liða úrslit Afríkukeppninnar en fyrstu leikir 16-liða úrslitanna fóru fram í dag.

Benín kom á óvart og henti Marokkó úr keppni eftir vítaspyrnukeppni. Staðan var 1-1 eftir venjulegan leiktíma en Hakim Ziyech, leikmaður Ajax, klúðraði víti í uppbótartíma til að senda Marokkó áfram.

Ekkert mark var skorað í framlengingunni og í vítaspyrnukeppninni klúðraði Marokkó tveimur vítaspyrnum. Benín skoraði úr öllum sínum og er komið áfram í átta liða úrslitin.

FULL TIME | Morocco - Benin [1-1] 1-4  #TotalAFCON2019  #MARBENpic.twitter.com/Kh9UT1hEmd

— AFCON 2019 (@AFCON2019) July 5, 2019

Senegal vann 1-0 sigur á Úganda. Eina mark leiksins kom á fimmtándu mínútu en framherji Liverpool, Sadio Mane, skoraði sigurmarkið. Mane brást þó bogalistinn úr vítaspyrnu á 61. mínútu en það kom ekki að sök.

Það verða því Senegal og Benín sem mætast í átta liða úrslitunum en 16-liða úrslitin halda áfram á morgun.