Drew Brees, leikstjórnandi New Orleans Saints, meiddist á þumalfingri snemma í leiknum gegn LA Rams í gær og meiðslin gætu verið alvarleg.
Félagar hans í Saints fóru beint til Seattle eftir leikinn en Brees varð eftir til þess að hitta sérfræðing í Los Angeles í dag.
„Ég er mjög áhyggjufullur þó svo ég voni auðvitað að þetta sé ekki alvarlegt,“ sagði Brees eftir leikinn.
Teddy Bridgewater leysti Brees af hólmi en með hann við stjórnvölinn átti liðið aldrei möguleika gegn firnasterku liði Rams.
Hinn fertugi Brees hefur aðeins misst af einum leik vegna meiðsla síðan í framhaldsskóla. Nú lítur út fyrir að hann sé loksins að fara að missa af leik eða leikjum.
Brees er mjög áhyggjufullur
Tengdar fréttir
Tvær goðsagnir meiddust og Tom Brady var ekki lengi að finna Antonio Brown
Níu lið hafa unnið tvo fyrstu leiki sína á NFL-tímabilinu en önnur umferðin í ameríska fótboltanum fór fram um helgina. Að venju var mikið um dramatík og meiðsli í leikjum deildarinnar.
