Aron skoraði í nágrannaslag | Viðar Örn og Kolbeinn í sigurliði

Aron Sigurðarson skoraði eitt mark er Start vann 7-1 sigur á Jerv í nágrannaslag í norsku B-deildinni í knattspyrnu í dag.

Aron skoraði þriðja mark Start á 30. mínútu en upprúllunin var rosaleg. Start er í 2. sæti deildarinnar með 55 stig en þeir eru að berjast við Sandefjord um sæti í norsku úrvalsdeildinni.

Takk for laget  Enorm kamp! Tror vi slår fast at vi er best i sør  #ikstartpic.twitter.com/iFbeUPrpwi

— IK Start (@ikstart) October 5, 2019

Kolbeinn Sigþórsson spilaði í 88 mínútur er AIK vann 2-0 sigur á Örebro í sænsku úrvalsdeildinni en AIK er í 3. sætinu, þremur stigum frá toppnum.

Í sömu deild var Daníel Hafsteisson ónotaður varamaður hjá Helsingborgs er liðið tapaði 2-1 fyrir Sirius. Daníel og félagar eru í 10. sætinu.

Viðar Örn Kjartansson var tekinn af velli í uppbótartíma er Rubin Kazan vann 2-1 sigur á FC Tambov í rússnesku úrvalsdeildinni.

Rubin Kazan er í 11. sætinu með fjórtán stig en þó einungis tveimur stigum frá umspilssæti um fall.