Birna Ósk frá RÚV til 101

Birna Ósk Hansdóttir hefur verið ráðin nýr framkvæmdastjóri 101 Productions og mun hefja störf hjá fyrirtækinu þann 1. nóvember. Þetta kemur fram í tilkynningu frá 101.

Birna starfaði sem framleiðslustjóri RÚV frá árinu 2012 þar sem hún hætti störfum í sumar. Hún hefur einnig starfað sem sjálfstætt starfandi dagskrárgerðarmaður og framleiðandi, sem fréttamaður og við almannatengsl svo eitthvað sé nefnt.

Birna hefur MPA próf frá Háskóla Íslands ásamt BA gráðu í stjórnmála- og fjölmiðlafræði. Maki Birnu er Einar Örn Jónsson íþróttafréttamaður og eiga þau tvö börn.

Birna fylllir í skarð Valdísar Þorkelsdóttur sem er á leið í barneignarleyfi.

101 Productions er í sameiginlegri eigu 101 Family sf. & Sýnar hf. Vísir er í eigu Sýnar.