Handknattleiksdeild Aftureldingar hefur skrifað undir samning við Guðmund Helga Pálsson um þjálfun meistaraflokks kvenna í handbolta.
Afturelding er nýliði í Olís-deildinni og er stigalaust á botni deildarinnar eftir 11 umferðir en Haraldur Þorvarðarson lét af störfum sem þjálfari liðsins á dögunum.
Guðmundur Helgi var látinn taka pokann sinn hjá karlaliði Fram á dögunum eftir að hafa stýrt því í Olís-deildinni undanfarin ár.
Í yfirlýsingu handknattleiksdeildar Aftureldingar segir að félagið sé stolt af því að fá svona flottan þjálfara til starfa. Guðmundur stýrir liðinu í fyrsta leik eftir pásu í Olís-deildinni 18. janúar næstkomandi.
Færir sig yfir í kvennaboltann eftir að hafa verið rekinn frá Fram

Tengdar fréttir

Guðmundur Helgi rekinn frá Fram
Guðmundur Helgi Pálsson hefur verið látinn fara frá Fram.

Haraldur hættur hjá Aftureldingu
Botnlið Olís-deildar kvenna er í þjálfaraleit.

Yfirlýsing frá Guðmundi Helga: „Þessi ákvörðun kom mér á óvart“
Fyrrverandi þjálfari Fram hefur sent frá sér yfirlýsingu.