Fótbolti

Casemiro skaut Real Madrid á toppinn

Arnar Geir Halldórsson skrifar
Karim Benzema í þann mund að leggja upp eina mark leiksins.
Karim Benzema í þann mund að leggja upp eina mark leiksins. vísir/Getty

Real Madrid heimsótti botnlið spænsku úrvalsdeildarinnar í síðasta leik helgarinnar í La Liga.

Madridingar eygðu þess von að nýta sér það að Barcelona tapaði stigum í gær þegar liðið gerði 2-2 jafntefli við Celta Vigo en það var enginn glæsibragur yfir spilamennsku Real Madrid í kvöld.

Brasilíski miðjumaðurinn Casemiro reyndist hetja gestanna en hann skoraði eftir góðan undirbúning Karim Benzema á lokamínútu fyrri hálfleiks.

Fleiri urðu mörkin ekki og 0-1 sigur Real Madrid staðreynd. Hafa þeir nú tveggja stiga forystu á toppi deildarinnar þegar sex umferðum er ólokið.

Fótbolti Spænski boltinn

Mest lesið


Fleiri fréttir

Sjá meira


×

Mest lesið