Karlmaður með hníf á lofti var handtekinn í slagsmálum við annan mann í Hlíðunum í dag. Í dagbók lögreglu segir að hnífamaðurinn hafi verið afvopnaður og báðir mennirnir færðir á lögreglustöð. Málið er í rannsókn.
Þá var tilkynnt um einstakling sem reyndi að kaupa vörur með stolnu korti í Fossvogi. Einnig barst lögreglu tilkynning um börn að leik á miðri umferðargötu í hverfinu.
Ökumaður sem lenti í umferðaróhappi í Kópavogi reyndi að komast undan á hlaupum. Hann var handtekinn og vistaður í fangaklefa.
