Segir Heimi hafa beðið um Suárez

Heimir Hallgrímsson, fyrrverandi landsliðsþjálfari, vill fá Luis Suárez til sín í Al Arabi og bað um að möguleikinn á því yrði kannaður.

Þetta segir Mitch Freeley, sérfræðingur um fótboltann í Katar og starfsmaður beIN Sports í landinu.

Freeley segir að Arabi hafi sett sig í samband við umboðsmenn Suárez til að ræða kostnað og möguleikann á að Suárez fari frá Barcelona í lok leiktíðar.

Suárez, sem er 33 ára, skoraði 16 mörk í spænsku 1. deildinni í vetur en leiktíðinni er ekki lokið hjá Barcelona sem mætir Bayern München í stórleik í Meistaradeild Evrópu á föstudaginn.