Sara: Æfi núna til að hafa gaman en ekki bara til að vinna

Sara Sigmundsdóttir er þessa dagana á fullu að undirbúa sig fyrir heimsleikana í CrossFit í næsta mánuði en hún hefur læti mikið af öllu mótlætinu á sínum ferli.

Sara Sigmundsdóttir er til alls líkleg á komandi heimsleikum í CrossFit og á mjög góðan möguleika á að tryggja sér sæti fimm manna lokaúrslitum. Hún leggur núna samt meiri áherslu á að njóta þess að æfa og koma sér í sitt besta mögulega form fremur að setja pressu á sig að vinna.

Sara Sigmundsdóttir hefur lært mikið á sig sjálfa á viðburðaríkum ferli sínum. Stóri titilinn hefur ekki komið í hús en Sara hefur engu að síður unnið marga glæsilega sigra.

Sara leggur áherslu á breytt hugarfar sitt í stuttu viðtali við Trifecta System sem er einn af hennar mikilvægu styrktaraðilum sem gerir henni kleift að æfa eins og atvinnumaður í CrossFit íþróttinni. Viðtalsbrotið má finna hér fyrir neðan.

„Ég verð að segja það að það hafa komið upp nokkrir mjög erfiðir tímar á mínu ferðalagi þar sem mig langaði mest að gefast upp,“ sagði Sara Sigmundsdóttir.

„Þegar ég byrjaði að keppa þá meiddi ég mig einu sinni mjög illa. Ég reyndi sérstakt grip í snörun en endaði með því að stöngin féll ofan á mig. Ég braut úlnliðinn minn mjög illa og var mjög þunglynd í endurhæfingunni," sagði Sara..

„Ég var svo sigruð í öllu þessu ferli að ég þyrfti alltaf að vera minna mig á það að þetta væri bara veggur sem ég þyrfti að komast yfir,“ sagði Sara í viðtalsbrotin á Instagram síðu

„Gegnum allt mótlætið sem ég hef lent í þá hef ég þurft að gera breytingar, bæði á því hvernig ég æfi og hvernig ég hugsa. Núna æfi ég til þess að hafa gaman og ekki bara til að vinna. Ég nýt ferlisins miklu meira í stað þess að einblína bara á úrslitin. Síðan hefur þetta allt legið upp á við hjá mér,“ sagði Sara.