Trump hunsaði orsakir ófriðarins í heimsókn til Kenosha Kjartan Kjartansson skrifar 1. september 2020 23:00 Trump ræðir við fyrirtækjaeigendur í Kenosha í dag. Forsetinn reyndi að eigna sér heiður af því að hafa stillt til friðar í borginni með því að kalla út þjóðvarðliðið. Hann kom þó hvergi nærri þeirri ákvörðun sem ríkisstjóri Wisconsin tók. AP/Evan Vucci Donald Trump Bandaríkjaforseti minntist ekkert á atvikið þegar lögreglumaður skaut og særði svartan mann sem varð kveikjan að ófriði sem hefur ríkt í Kenosha í Wisconsin undanfarna daga þegar hann heimsótti borgina í dag. Þess í stað lýsti forsetinn óeirðum í borginni sem „innanlandshryðjuverkastarfsemi“ og fór rangt með það sem þar hefur gerst. Til átaka hefur komið í Kenosha í kringum mótmæli eftir að lögreglumaður skaut Jacob Blake sjö sinnum í bakið sunnudaginn 23. ágúst. Blake liggur alvarlega særður á sjúkrahúsi, lamaður fyrir neðan mitti. Atvikið var sem olía á eldinn í kjölfar dráps lögreglu í Minnesota á George Floyd í maí en það hratt af stað mikilli mótmælaöldu gegn lögregluofbeldi og kerfislægri kynþáttahyggju sem geisar ennþá í sumum borgum. Eldar voru kveiktir í borginni fyrstu daga mótmælanna og eignarskemmdir voru framdar sem eru taldar hlaupa á hundruð milljónum króna. Ófriðurinn náði hámarki sínu þegar sautján ára gamall piltur úr hópi vopnaðra sjálfskipaðra lögreglumanna skaut tvo mótmælendur til bana og særði þann þriðja í síðustu viku. Ástandið hefur róast verulega síðan þá. Trump heimsótti Kenosha í dag þvert á vilja borgar- og ríkisyfirvalda sem óttuðust að forsetinn ýfði upp ófriðaröldur á nýjan leik. Ræddi Trump við fyrirtækjaeigendur sem hafa orðið fyrir tjóni í mótmælunum og reyndi að kenna demókrötum um ástandið. „Þetta eru ekki gjörðir friðsamra mótmælenda heldur í raun og veru innanlandshryðjuverk,“ sagði Trump og skammaði borgarstjóra og ríkisstjóra úr röðum demókrata fyrir að vilja ekki þiggja aðstoð alríkisstjórnarinnar til þess að kveða niður mótmæli og óeirðir. Telur ofbeldi lögreglu gegn svörtum ekki kerfislægt Forsetinn minntist ekki á að upphaf ólgunnar í Kenosha hefði verið enn eitt atvikið þar sem lögreglumenn skjóta blökkumann. Hann bauð fram aðstoð alríkisstjórnarinnar við að byggja upp borgina. Upplýsti forsetinn að hann hefði reynt að hafa samband við móður Blake en kosið að ræða ekki við hana þegar fjölskyldan setti fram þá kröfu að lögmaður hlýddi á samtalið. Á viðburði í Kenosha neitaði Trump því að kerfislæg kynþáttahyggja sé til staðar hjá lögregluliði Bandaríkjanna. Viðurkenndi hann að einhver „rotin epli“ væru í lögreglunni og stundum gerðist „eitthvað“. „Þeir kalla það að klikka [e. choking] og það gerist,“ sagði Trump sem hefur ítrekað líkt lögreglumönnum sem beita óhóflegu ofbeldi við kylfing sem klikkar á höggi undanfarna daga. Trump og framboð hans hafa reynt að stilla Joe Biden upp við vegg og fá hann til að fordæma mótmælendur og óeirðir enn meir en hann hefur gert. Á sama tíma hefur Trump þráast við að fordæma stuðningsmenn sína sem hafa drepið og æst til ófriðar undanfarna daga.AP/Carolyn Kaster Fordæmdi ekki piltinn sem drap mótmælendur Trump, sem hefur átt undir högg að sækja gegn Joe Biden, frambjóðanda demókrata, í skoðanakönnunum um nokkurra mánaðaskeið, hefur freistað þess að gera mótmælin og óeirðir að miðpunkti kosningabaráttunnar fyrir kosningarnar sem fara fram í nóvember. Hefur hann stillt sjálfum sér upp sem frambjóðanda „laga og reglu“ og sakað Biden ranglega um að vera handbendi róttækra vinstrimanna og stjórnleysingja. Biden hefur fordæmt ofbeldisfull mótmæli og skorað á Trump að gera það sama. Í heimsókninni til Kenosha fór Trump hins vegar frjálslega með sannleikann um atburðina þar, þar á meðal um unga manninn sem skaut mótmælendur til bana. Sá mætti á mótmælin til að andæfa þeim sem kröfðust jafnréttis kynþátta og er grunaður um ólöglegan vopnaburð og manndráp. Þannig veik Trump sér undan því að fordæma drápin og lýsti þeim á allt annan hátt en yfirvöld sem ákærðu piltinn fyrir manndráp. Gaf forsetinn í skyn að pilturinn hefði hrasað á flótta undan mótmælendunum sem hafi ráðist á hann. Pilturinn hefði „líklega verið drepinn“. AP-fréttastofan segir þessa lýsingu ranga. Pilturinn hefði þegar skotið mótmælanda til bana áður en hann tók til fótanna og féll. Í ákæru saksóknara kemur fram að pilturinn skaut mótmælanda sem reyndi að taka skotvopn af honum. Hópur fólks reyndi að stöðva hann þegar hann flúði og hrópaði að hann hefði skotið mann. Pilturinn skaut annan mótmælanda til bana þegar hann reyndi að rífa byssuna af honum. Þriðji maðurinn særðist af byssuskoti piltsins. Bandaríkin Skotárásir í Bandaríkjunum Donald Trump Forsetakosningar í Bandaríkjunum Dauði George Floyd Tengdar fréttir Lýsti yfir stuðningi við táning sem skaut þrjá menn Donald Trump, forseti Bandaríkjanna, lýsti í gær yfir stuðningi við hinn sautján ára gamla Kyle Rittenhouse, sem skaut þrjá, þar af tvo til bana, á mótmælum í borginni Kenosha í síðustu viku. 1. september 2020 13:42 Trump fullyrti að „skuggalegir menn“ stjórni Biden Donald Trump, Bandaríkjaforseti, fór mikinn í viðtali við Laura Ingraham á Fox News í gær. 1. september 2020 07:05 Stillir ekki til friðar heldur hellir olíu á eldinn Donald Trump, forseti Bandaríkjanna, hefur farið mikinn á samfélagsmiðlum undanfarna daga. Í stað þess að reyna að stilla til friðar eða miðla milli deilandi fylkinga, hefur forsetinn deilt samsæriskenningum. 31. ágúst 2020 11:08 Saka Bandaríkjaforseta um að hvetja til ofbeldis Donald Trump, Bandaríkjaforseti, og Joe Biden, frambjóðandi Demókrata, í komandi kosningum skiptast nú á skotum á samfélagsmiðlum og kenna hvorum öðrum um ástandið í Portland, þar sem einn var skotinn til bana um helgina og fjöldi særðist. 31. ágúst 2020 07:38 Óttast að heimsókn Trump geri ástandið verra Mandela Barnes, aðstoðarríkisstjóri Wisconsin, telur óskynsamlegt að Donald Trump Bandaríkjaforseti heimsæki borgina Kenosha í vikunni. 30. ágúst 2020 23:00 Mest lesið „Augljóst að stjórnarandstöðunni hefur gjörsamlega mistekist“ Innlent Vísað á brott vegna vímuefnaneyslu, ekki afskræmds varaforseta Erlent Miðflokkur rýkur upp en Sjálfstæðisflokkur dalar Innlent „Ég mun standa með mínum ráðherra“ Innlent Ný ráðgjafarnefnd Kennedy hyggst endurskoða bólusetningar barna Erlent Hafnaði öllum kröfum Ásthildar Lóu nema einni Innlent Vill útbúa lista yfir íslenska hermenn í þágu varna Innlent Hvar er Khamenei? Erlent Nýju tilboði í Háholt svarað með gagntilboði Innlent Umbóta þörf til að halda uppi lífsgæðum á Íslandi að mati OECD Innlent Fleiri fréttir Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Sjá meira
Donald Trump Bandaríkjaforseti minntist ekkert á atvikið þegar lögreglumaður skaut og særði svartan mann sem varð kveikjan að ófriði sem hefur ríkt í Kenosha í Wisconsin undanfarna daga þegar hann heimsótti borgina í dag. Þess í stað lýsti forsetinn óeirðum í borginni sem „innanlandshryðjuverkastarfsemi“ og fór rangt með það sem þar hefur gerst. Til átaka hefur komið í Kenosha í kringum mótmæli eftir að lögreglumaður skaut Jacob Blake sjö sinnum í bakið sunnudaginn 23. ágúst. Blake liggur alvarlega særður á sjúkrahúsi, lamaður fyrir neðan mitti. Atvikið var sem olía á eldinn í kjölfar dráps lögreglu í Minnesota á George Floyd í maí en það hratt af stað mikilli mótmælaöldu gegn lögregluofbeldi og kerfislægri kynþáttahyggju sem geisar ennþá í sumum borgum. Eldar voru kveiktir í borginni fyrstu daga mótmælanna og eignarskemmdir voru framdar sem eru taldar hlaupa á hundruð milljónum króna. Ófriðurinn náði hámarki sínu þegar sautján ára gamall piltur úr hópi vopnaðra sjálfskipaðra lögreglumanna skaut tvo mótmælendur til bana og særði þann þriðja í síðustu viku. Ástandið hefur róast verulega síðan þá. Trump heimsótti Kenosha í dag þvert á vilja borgar- og ríkisyfirvalda sem óttuðust að forsetinn ýfði upp ófriðaröldur á nýjan leik. Ræddi Trump við fyrirtækjaeigendur sem hafa orðið fyrir tjóni í mótmælunum og reyndi að kenna demókrötum um ástandið. „Þetta eru ekki gjörðir friðsamra mótmælenda heldur í raun og veru innanlandshryðjuverk,“ sagði Trump og skammaði borgarstjóra og ríkisstjóra úr röðum demókrata fyrir að vilja ekki þiggja aðstoð alríkisstjórnarinnar til þess að kveða niður mótmæli og óeirðir. Telur ofbeldi lögreglu gegn svörtum ekki kerfislægt Forsetinn minntist ekki á að upphaf ólgunnar í Kenosha hefði verið enn eitt atvikið þar sem lögreglumenn skjóta blökkumann. Hann bauð fram aðstoð alríkisstjórnarinnar við að byggja upp borgina. Upplýsti forsetinn að hann hefði reynt að hafa samband við móður Blake en kosið að ræða ekki við hana þegar fjölskyldan setti fram þá kröfu að lögmaður hlýddi á samtalið. Á viðburði í Kenosha neitaði Trump því að kerfislæg kynþáttahyggja sé til staðar hjá lögregluliði Bandaríkjanna. Viðurkenndi hann að einhver „rotin epli“ væru í lögreglunni og stundum gerðist „eitthvað“. „Þeir kalla það að klikka [e. choking] og það gerist,“ sagði Trump sem hefur ítrekað líkt lögreglumönnum sem beita óhóflegu ofbeldi við kylfing sem klikkar á höggi undanfarna daga. Trump og framboð hans hafa reynt að stilla Joe Biden upp við vegg og fá hann til að fordæma mótmælendur og óeirðir enn meir en hann hefur gert. Á sama tíma hefur Trump þráast við að fordæma stuðningsmenn sína sem hafa drepið og æst til ófriðar undanfarna daga.AP/Carolyn Kaster Fordæmdi ekki piltinn sem drap mótmælendur Trump, sem hefur átt undir högg að sækja gegn Joe Biden, frambjóðanda demókrata, í skoðanakönnunum um nokkurra mánaðaskeið, hefur freistað þess að gera mótmælin og óeirðir að miðpunkti kosningabaráttunnar fyrir kosningarnar sem fara fram í nóvember. Hefur hann stillt sjálfum sér upp sem frambjóðanda „laga og reglu“ og sakað Biden ranglega um að vera handbendi róttækra vinstrimanna og stjórnleysingja. Biden hefur fordæmt ofbeldisfull mótmæli og skorað á Trump að gera það sama. Í heimsókninni til Kenosha fór Trump hins vegar frjálslega með sannleikann um atburðina þar, þar á meðal um unga manninn sem skaut mótmælendur til bana. Sá mætti á mótmælin til að andæfa þeim sem kröfðust jafnréttis kynþátta og er grunaður um ólöglegan vopnaburð og manndráp. Þannig veik Trump sér undan því að fordæma drápin og lýsti þeim á allt annan hátt en yfirvöld sem ákærðu piltinn fyrir manndráp. Gaf forsetinn í skyn að pilturinn hefði hrasað á flótta undan mótmælendunum sem hafi ráðist á hann. Pilturinn hefði „líklega verið drepinn“. AP-fréttastofan segir þessa lýsingu ranga. Pilturinn hefði þegar skotið mótmælanda til bana áður en hann tók til fótanna og féll. Í ákæru saksóknara kemur fram að pilturinn skaut mótmælanda sem reyndi að taka skotvopn af honum. Hópur fólks reyndi að stöðva hann þegar hann flúði og hrópaði að hann hefði skotið mann. Pilturinn skaut annan mótmælanda til bana þegar hann reyndi að rífa byssuna af honum. Þriðji maðurinn særðist af byssuskoti piltsins.
Bandaríkin Skotárásir í Bandaríkjunum Donald Trump Forsetakosningar í Bandaríkjunum Dauði George Floyd Tengdar fréttir Lýsti yfir stuðningi við táning sem skaut þrjá menn Donald Trump, forseti Bandaríkjanna, lýsti í gær yfir stuðningi við hinn sautján ára gamla Kyle Rittenhouse, sem skaut þrjá, þar af tvo til bana, á mótmælum í borginni Kenosha í síðustu viku. 1. september 2020 13:42 Trump fullyrti að „skuggalegir menn“ stjórni Biden Donald Trump, Bandaríkjaforseti, fór mikinn í viðtali við Laura Ingraham á Fox News í gær. 1. september 2020 07:05 Stillir ekki til friðar heldur hellir olíu á eldinn Donald Trump, forseti Bandaríkjanna, hefur farið mikinn á samfélagsmiðlum undanfarna daga. Í stað þess að reyna að stilla til friðar eða miðla milli deilandi fylkinga, hefur forsetinn deilt samsæriskenningum. 31. ágúst 2020 11:08 Saka Bandaríkjaforseta um að hvetja til ofbeldis Donald Trump, Bandaríkjaforseti, og Joe Biden, frambjóðandi Demókrata, í komandi kosningum skiptast nú á skotum á samfélagsmiðlum og kenna hvorum öðrum um ástandið í Portland, þar sem einn var skotinn til bana um helgina og fjöldi særðist. 31. ágúst 2020 07:38 Óttast að heimsókn Trump geri ástandið verra Mandela Barnes, aðstoðarríkisstjóri Wisconsin, telur óskynsamlegt að Donald Trump Bandaríkjaforseti heimsæki borgina Kenosha í vikunni. 30. ágúst 2020 23:00 Mest lesið „Augljóst að stjórnarandstöðunni hefur gjörsamlega mistekist“ Innlent Vísað á brott vegna vímuefnaneyslu, ekki afskræmds varaforseta Erlent Miðflokkur rýkur upp en Sjálfstæðisflokkur dalar Innlent „Ég mun standa með mínum ráðherra“ Innlent Ný ráðgjafarnefnd Kennedy hyggst endurskoða bólusetningar barna Erlent Hafnaði öllum kröfum Ásthildar Lóu nema einni Innlent Vill útbúa lista yfir íslenska hermenn í þágu varna Innlent Hvar er Khamenei? Erlent Nýju tilboði í Háholt svarað með gagntilboði Innlent Umbóta þörf til að halda uppi lífsgæðum á Íslandi að mati OECD Innlent Fleiri fréttir Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Sjá meira
Lýsti yfir stuðningi við táning sem skaut þrjá menn Donald Trump, forseti Bandaríkjanna, lýsti í gær yfir stuðningi við hinn sautján ára gamla Kyle Rittenhouse, sem skaut þrjá, þar af tvo til bana, á mótmælum í borginni Kenosha í síðustu viku. 1. september 2020 13:42
Trump fullyrti að „skuggalegir menn“ stjórni Biden Donald Trump, Bandaríkjaforseti, fór mikinn í viðtali við Laura Ingraham á Fox News í gær. 1. september 2020 07:05
Stillir ekki til friðar heldur hellir olíu á eldinn Donald Trump, forseti Bandaríkjanna, hefur farið mikinn á samfélagsmiðlum undanfarna daga. Í stað þess að reyna að stilla til friðar eða miðla milli deilandi fylkinga, hefur forsetinn deilt samsæriskenningum. 31. ágúst 2020 11:08
Saka Bandaríkjaforseta um að hvetja til ofbeldis Donald Trump, Bandaríkjaforseti, og Joe Biden, frambjóðandi Demókrata, í komandi kosningum skiptast nú á skotum á samfélagsmiðlum og kenna hvorum öðrum um ástandið í Portland, þar sem einn var skotinn til bana um helgina og fjöldi særðist. 31. ágúst 2020 07:38
Óttast að heimsókn Trump geri ástandið verra Mandela Barnes, aðstoðarríkisstjóri Wisconsin, telur óskynsamlegt að Donald Trump Bandaríkjaforseti heimsæki borgina Kenosha í vikunni. 30. ágúst 2020 23:00