Guðlaugur Victor og félagar köstuðu frá sér sigrinum

Íslenski landsliðsmaðurinn Guðlaugur Victor Pálsson hóf leik á varamannabekknum þegar lið hans, Darmstadt, fékk St. Pauli í heimsókn í þýsku B-deildinni í fótbolta í dag.

Honum var skipt inná á 72.mínútu þegar Darmstadt leiddi með einu marki gegn engu. Skömmu síðar tvöfaldaði Serdar Dursun forystu heimamanna með öðru marki sínu.

Gestirnir gáfust þó ekki upp og náðu að koma til baka og jafna leikinn með góðum lokakafla. Lokatölur 2-2.

Darmstadt með fimm stig eftir fyrstu fjórar umferðirnar.