Segja af og frá að lögregla leiti Samherjamanna Jakob Bjarnar skrifar 3. desember 2020 16:05 Þorsteinn Már Vilhjálmsson og þeir Kveiksmenn Helgi Seljan og Aðalsteinn Kjartansson. Allt frá því að fjallað var um umsvif Samherja í Namibíu hefur andað köldu milli Samherja og Ríkisútvarpsins. visir/vilhelm Í yfirlýsingu frá Samherja segir að ekkert sé hæft í fréttaflutningi um að namibíska lögreglan leiti starfsmanna fyrirtækisins. Í frétt sem Ríkisútvarpið birti í fyrradag segir að lögreglan í Namibíu hafi nú um nokkurt skeið reynt að grafast fyrir um dvalarstað Ingvars Júlíussonar, fyrrverandi fjármálastjóra Samherja á Kýpur og Egils Helga Árnasonar, sem var framkvæmdastjóri Namibíustarfsemi Samherja. Það geri lögreglan með það fyrir augum að fá þá framselda til Namibíu. Villandi fréttaflutningur Samherji sendi frá sér yfirlýsingu nú fyrir stundu þar sem þessu er vísað á bug: „Namibísk stjórnvöld hafa engar tilraunir gert til að hafa afskipti af núverandi eða fyrrverandi starfsmönnum félaga tengdum Samherja. Hvorki á eigin vegum eða í gegnum samstarf við önnur ríki. Fréttaflutningur um að namibísk stjórnvöld vilji ná tali af nokkrum núverandi og fyrrverandi starfsmönnum Samherja er því mjög villandi.“ Í frétt Vísis fyrr í dag af rannsókn málsins er vitnað í Namibian Sun. Þar er enginn starfsmaður Samherja nafngreindur. En Martha Imalwa, ríkissaksóknari Namibíu, er sögð vera með íslenska sjávarútvegsfyrirtækið Samherja í sigtinu í tengslum við rannsókn namibískra yfirvalda á meintum mútugreiðslum og spillingu þar í landi. Í fyrrnefndri frétt Ríkisútvarpsins segir hins vegar að eftirgrennslan eftir dvalarstað þeirra Ingvars og Egils Helga komi fram í gögnum sem lögð voru fram við namibískan dómstól nýlega í tengslum við rannsókn þarlendra yfirvalda á meintum mútugreiðslum og spillingu við gerð milliríkjasamnings við Angóla. „Á meðal skjalanna sem lögð voru fyrir yfirréttinn í höfuðborginni Windhoek er 63 blaðsíðna eiðsvarin yfirlýsing frá Karl Patrick Cloete, rannsóknarlögreglumanni hjá namibísku spillingarlögreglunni ACC, dagsett 28. október.“ En Samherji segir þetta algerlega á skjön við allar upplýsingar fyrirliggjandi sem þeim hefur borist frá namibískum stjórnvöldum undanfarna mánuði. Félögin og fulltrúar þeirra hafi enda átt náið samráð við þarlend stjórnvöld um að leggja endanlega niður starfsemi sem tengdist útgerð í landinu. Engar lagaheimildir til að krefjast framsals „Í þessu sambandi vísast til þess að ríkissaksóknari Namibíu aflétti kyrrsetningu togarans Heinaste í fyrradag. Skipið hefur nú verið selt og afhent nýjum eiganda sem hefur endurnefnt það Tutungeni. Hefur skipið haldið til veiða með sömu skipverjum og áður mönnuðu áhöfn þess. Aflétting kyrrsetningarinnar var ávöxtur þríhliða samkomulags milli seljanda skipsins, sem er félag tengt Samherja, kaupanda þess og namibískra stjórnvalda,“ segir meðal annars í yfirlýsingunni. Þorsteinn Már Baldursson og hans menn sem mættu á fund í Seðlabankanum síðla árs 2018. Í yfirlýsingunni frá í dag er fullyrt að enginn núverandi eða fyrrverandi starfsmanna félaga í samstæðu Samherja hafi réttarstöðu sakbornings í tengslum í Namibíu og enginn þeirra hefur viðhaft háttsemi sem gæti réttlætt slíkt.visir/vilhelm Fram kemur í frétt RÚV í dag að namibísk yfirvöld hafi aflétt kyrrsetningunni gegn því að söluvirðið, 2,3 milljarðar króna, yrði áfram kyrrsett til tryggingar mögulegum upptökukröfum vegna sakamálsins sem er fyrir dómstólum. Ekki er vikið að þessum þætti í yfirlýsingu Samherja. Þar segir þó að hugleiðingar einstakra lögreglumanna í Namibíu ráði engu um þær heimildir sem gilda almennt um framsal milli ríkja í tengslum við rekstur sakamála. Namibísk yfirvöld hafa engar lagaheimildir til að krefjast framsals yfir íslenskum ríkisborgurum þar sem enginn samningur er til staðar milli ríkjanna um framsalið. „Ekkert var vikið að þessu í frétt Ríkisútvarpsins. Þess skal getið að enginn núverandi eða fyrrverandi starfsmanna félaga í samstæðu Samherja hefur réttarstöðu sakbornings í tengslum við rannsókn í Namibíu og enginn þeirra hefur viðhaft háttsemi sem gæti réttlætt það. Ráðagerðir lögreglumannsins sem gerðar voru að fréttaefni eru því tilhæfulausar.“ Samherjaskjölin Namibía Fjölmiðlar Dómsmál Sjávarútvegur Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent POTS-samtök fá lögfræðing í málið: „Margir eru rúmliggjandi í dag“ Innlent Fleiri fréttir Býður sig fram til áframhaldandi formennsku Áhyggjuefni hversu mörg börn hafa stöðu sakbornings í ofbeldismálum POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Sjá meira
Í frétt sem Ríkisútvarpið birti í fyrradag segir að lögreglan í Namibíu hafi nú um nokkurt skeið reynt að grafast fyrir um dvalarstað Ingvars Júlíussonar, fyrrverandi fjármálastjóra Samherja á Kýpur og Egils Helga Árnasonar, sem var framkvæmdastjóri Namibíustarfsemi Samherja. Það geri lögreglan með það fyrir augum að fá þá framselda til Namibíu. Villandi fréttaflutningur Samherji sendi frá sér yfirlýsingu nú fyrir stundu þar sem þessu er vísað á bug: „Namibísk stjórnvöld hafa engar tilraunir gert til að hafa afskipti af núverandi eða fyrrverandi starfsmönnum félaga tengdum Samherja. Hvorki á eigin vegum eða í gegnum samstarf við önnur ríki. Fréttaflutningur um að namibísk stjórnvöld vilji ná tali af nokkrum núverandi og fyrrverandi starfsmönnum Samherja er því mjög villandi.“ Í frétt Vísis fyrr í dag af rannsókn málsins er vitnað í Namibian Sun. Þar er enginn starfsmaður Samherja nafngreindur. En Martha Imalwa, ríkissaksóknari Namibíu, er sögð vera með íslenska sjávarútvegsfyrirtækið Samherja í sigtinu í tengslum við rannsókn namibískra yfirvalda á meintum mútugreiðslum og spillingu þar í landi. Í fyrrnefndri frétt Ríkisútvarpsins segir hins vegar að eftirgrennslan eftir dvalarstað þeirra Ingvars og Egils Helga komi fram í gögnum sem lögð voru fram við namibískan dómstól nýlega í tengslum við rannsókn þarlendra yfirvalda á meintum mútugreiðslum og spillingu við gerð milliríkjasamnings við Angóla. „Á meðal skjalanna sem lögð voru fyrir yfirréttinn í höfuðborginni Windhoek er 63 blaðsíðna eiðsvarin yfirlýsing frá Karl Patrick Cloete, rannsóknarlögreglumanni hjá namibísku spillingarlögreglunni ACC, dagsett 28. október.“ En Samherji segir þetta algerlega á skjön við allar upplýsingar fyrirliggjandi sem þeim hefur borist frá namibískum stjórnvöldum undanfarna mánuði. Félögin og fulltrúar þeirra hafi enda átt náið samráð við þarlend stjórnvöld um að leggja endanlega niður starfsemi sem tengdist útgerð í landinu. Engar lagaheimildir til að krefjast framsals „Í þessu sambandi vísast til þess að ríkissaksóknari Namibíu aflétti kyrrsetningu togarans Heinaste í fyrradag. Skipið hefur nú verið selt og afhent nýjum eiganda sem hefur endurnefnt það Tutungeni. Hefur skipið haldið til veiða með sömu skipverjum og áður mönnuðu áhöfn þess. Aflétting kyrrsetningarinnar var ávöxtur þríhliða samkomulags milli seljanda skipsins, sem er félag tengt Samherja, kaupanda þess og namibískra stjórnvalda,“ segir meðal annars í yfirlýsingunni. Þorsteinn Már Baldursson og hans menn sem mættu á fund í Seðlabankanum síðla árs 2018. Í yfirlýsingunni frá í dag er fullyrt að enginn núverandi eða fyrrverandi starfsmanna félaga í samstæðu Samherja hafi réttarstöðu sakbornings í tengslum í Namibíu og enginn þeirra hefur viðhaft háttsemi sem gæti réttlætt slíkt.visir/vilhelm Fram kemur í frétt RÚV í dag að namibísk yfirvöld hafi aflétt kyrrsetningunni gegn því að söluvirðið, 2,3 milljarðar króna, yrði áfram kyrrsett til tryggingar mögulegum upptökukröfum vegna sakamálsins sem er fyrir dómstólum. Ekki er vikið að þessum þætti í yfirlýsingu Samherja. Þar segir þó að hugleiðingar einstakra lögreglumanna í Namibíu ráði engu um þær heimildir sem gilda almennt um framsal milli ríkja í tengslum við rekstur sakamála. Namibísk yfirvöld hafa engar lagaheimildir til að krefjast framsals yfir íslenskum ríkisborgurum þar sem enginn samningur er til staðar milli ríkjanna um framsalið. „Ekkert var vikið að þessu í frétt Ríkisútvarpsins. Þess skal getið að enginn núverandi eða fyrrverandi starfsmanna félaga í samstæðu Samherja hefur réttarstöðu sakbornings í tengslum við rannsókn í Namibíu og enginn þeirra hefur viðhaft háttsemi sem gæti réttlætt það. Ráðagerðir lögreglumannsins sem gerðar voru að fréttaefni eru því tilhæfulausar.“
Samherjaskjölin Namibía Fjölmiðlar Dómsmál Sjávarútvegur Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent POTS-samtök fá lögfræðing í málið: „Margir eru rúmliggjandi í dag“ Innlent Fleiri fréttir Býður sig fram til áframhaldandi formennsku Áhyggjuefni hversu mörg börn hafa stöðu sakbornings í ofbeldismálum POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Sjá meira