Bæði lið gengu af velli í París | Myndbönd

Staðan var markalaus þegar rúmar 13 mínútur voru liðnar af leiknum. Mikill hiti var á varamannabekk gestanna frá Tyrklandi. Dómari leiksins kemur í kjölfarið að varamannabekknum til að reka Pierre Webó, einn í þjálfarateymi Başakşehir, af velli. 

Fjórði dómari leiksins ku hafa komið og rætt við aðaldómara leiksins og sagt að „svarti maðurinn“ eigi að fá rauða spjaldið. Webó vildi reyndar meina að fjórði dómari hefði notað annað og mun meira niðrandi orð. 

Í kjölfarið báðu leikmenn Tyrkja um virðingu og gengu einfaldlega af velli. Leikmenn PSG fylgdu í kjölfarið.

Allt þetta má sjá í klippunum hér að neðan.

Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.