Meistararnir misstigu sig í Berlín

Heimamenn fengu algjöra draumabyrjun þar sem Grischa Prömel kom Union í forystu á 4.mínútu leiksins.

Þeim hélst forystan allt þar til á 67.mínútu þegar pólski markahrókurinn Robert Lewandowski jafnaði metin.

Bæjurum tókst ekki að nýta sér lokamínúturnar til að gera út um leikinn og 1-1 jafntefli niðurstaðan.

Bayern engu að síður á toppi deildarinnar en liðið hefur 24 stig líkt og RB Leipzig sem er í 2.sæti deildarinnar. Bayer Leverkusen getur tyllt sér á topp deildarinnar með sigri gegn Hoffenheim á morgun.