Fyrrum landsliðsmaður í handbolta haslar sér völl sem rithöfundur

Bjarni Fritzson, fyrrum atvinnu- og landsliðsmaður í handbolta er að gefa út sjálfsstyrkingabók fyrir unga drengi. Bjarni hefur haldið fjölmörg námskeið fyrir ungt fólk sem ganga út á að efla sjálfsmynd þeirra.

Guðjón Guðmundsson ræddi við Bjarna í kvöldfréttum Stöðvar 2 í kvöld.

„Ég var búinn að vera með þessa bók á teikniborðinu í tvö ár og mér fannst þetta kjörinn tími til að koma með sjálfsstyrkingabók fyrir stráka. Covid hefur reynt mikið á andlegu hliðina hjá okkur öllum.“

„Mér fannst þetta góður tímapunktur til að gefa strákum tól og tæki til að vinna sig út úr þessu.“

Nánar er rætt við Bjarna í spilaranum hér fyrir neðan þar sem hann meðal annars svarar því hvernig það kom til að hann gerðist rithöfundur.