Bale gekk í raðir Tottenham, á nýjan leik, í september en hann er á láni hjá félaginu frá Real Madrid. Bale hefur langt því frá slegið í gegn eftir komuna til Lundúna.
Walesverjinn er á góðum samningi í Madríd. Hann fær 650 þúsund á viku og snúi Bale aftur til Madrídar þurfu þeir að borga launin hans að fullu á nýjan leik.
Zinedine Zidane, stjóri Real Madrid, fór ekkert á leikmannamarkaðinn í sumar en vonast til þess að bera víurnar í leikmann eins og Kylian Mbappe hjá PSG og Erling Braut Håland hjá Dortmund í janúar eða næsta sumar.
Því er það mikilvægt, upp á fjárhagshliðina, að Bale haldist hjá Tottenham — svo það sé hægt að greiða leikmönnum á borð við Håland og Mbappe ofurlaun.
Bale byrjaði ekki sinn fyrsta leik fyrr en mánuði eftir komuna til Tottenham en hann meiddist svo aftur í þar síðasta leik Tottenham. Þá fór hann af velli í hálfleik í deildarbikarnum gegn Stoke City.
Real Madrid 'fear Gareth Bale will be SENT BACK to them after struggling at Tottenham' https://t.co/whrSKouzf8
— MailOnline Sport (@MailSport) December 28, 2020

Spænski boltinn, La Liga, er á Stöð 2 Sport en upplýsingar um útsendingar má finna hér. La Liga er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.